[A:25b]gsum/ /zhes sogs gcig nas nyer lnga'i bar grangs kha 'chams dang / de bas lhag pa la rjes bzung mi byed par ston pa'i spyi rgyud kyi lung de 'dren par mdzad pas so/ /yang rjes bzung gi grangs nges des sta gon gyi grangs nges kyang 'grub pa la dgongs nas rjes bzung nyer lnga las lhag pa mi rung ba'i shes byed du/ de bas lhag pa'i slob ma la/ /zhes sogs nyer lnga las lhag pa la byas na cho ga yongs rdzogs mtshan mo gcig la tshar mi nus pa sogs dbang la sbyar nas gsungs pas so/ /de las gzhan du rjes bzung gi grangs kyis sta gon dang dbang gi grangs mi 'grub na dbang bskur nyer lnga las lhag pa mi rung ba'i sgrub byed du nyer lnga las lhag pa rjes su mi bzung ba'i spyi rgyud kyi lung dang / rjes bzung de las lhag pa la mi rung ba'i shes byed du dbang gi cho ga mtshan mo gcig la mi tshar ba rnams 'brel mar gsung ba la rnam dpyad med par 'gyur bas so/ /paN chen rin po che dang thams cad mkhyen pa dkon mchog lhun grub kyis nyer lnga las lhag pa la cho ga mtshan mo gcig la tshar mi nus pa 'di slob ma sta gon gyi dbang du byas pa yin te/ rjes bzung ni mtshan phyed tshun la mi tshar ba'i dogs pa skye don med la/ slob ma sta gon gyi cho ga'i mgo nyi ma nub pa nas brtsam mtshan phyed tshun la tshar dgos shing / de'ang rmi lam brtag dgos pa sogs kyi gnad kyis yin pas so zhes bzhed la/ glo bo mkhan chen rin po che la rab 'byams pa blo gros rab gsal gyis dbang nyi ma nub pa nas nyi ma ma shar gyi bar la mdzad par gsungs pa la/ deng sang nyin bar mdzad pa la lung rigs