[A:26a]gnang dgos zhus pa'i lan du/ rgyud sde nas gsungs pa'i dngos bstan la ji ltar yod pa'i phyag len de rnams da lta dus kyi stobs kyis ji lta ba bzhin du mdzad pa rgya bod kyi bla ma phyi ma phal cher ba gcig la'ang ma byung 'dug cing / de la lung rigs kyi shes byed gzhan 'god rgyu med kyang / bstan pa dar nub kyi babs la song nas sdom pa gsum char gyi phyag len gyi rim pa deng sang gi dus su cha mtshungs pa tsam la gtso bor byed dgos pa yin nam snyam pa byung lags/ 'di tsam du ma zad dbang bskur yul dang / bskur ba po slob dpon dang / ji ltar bskur ba'i cho ga'i gnad che ba kun du yang legs par dpyad na ji ltar yod dgongs par bzhugs shing / dus skabs 'di 'dra ba la dgongs nas/ sdom gsum rab dbye las/ des na nyan thos bstan pa ni/ /nub kyang gzugs brnyan tsam zhig snang / /rdo rje theg pa'i bstan pa la/ /gzugs brnyan tsam yang mi snang ngo / /zhes gsungs par go lags zhes bshad do/ /yang ngor lugs kyi bla ma dag slob ma mang po dus gcig la rjes 'dzin gyi phyag len mdzad pa'i dgongs don ni/ de ltar byas pa la nyes pa med cing phyag len zor bde ba dang / rnam snang mngon byang du rjes 'dzin grangs med bshad pa de dmigs bsal du bzhed pa yin pas rjes 'dzin la grangs nges med kyang slob ma sta gon dang dngos gzhi gnyis la grangs nges mdzad pa 'di ni rgyud sde zab mo'i dgongs don tshul bzhin du dgongs pa'i phyag len du snang la/ ci ste rgyud kyi spyir btang gi bshad tshod kun nges par dgos na rgyud sde