[A:29b]ma thag pa'i rnam snang mngon byang gi lung tsho gnyis po de dag gi don la bdag gi yongs 'dzin dam pa mkhan chen 'jam pa'i dbyangs kyi gsung las/ des na mngon byang las bcu tshun chad dang / tshad med pa gnyis gsungs pa la dgongs pa 'grel tshul 'di ltar bya ste/ skal ldan rigs sad pa'i las 'phro can nyung shas shig rjes su 'dzin pa'i tshul dang / skal dman lam gyi sbyangs ba sngon du ma song ba mtha' yas pa zhig snying rjes rjes su 'dzin pa'i tshul gnyis las dang po'i dbang du byas nas bcu tshun chad gsungs shing / de dag rjes su bzung tshar ma thag dbang bskur bas chog pa yin te zhes gsungs nas/ rnam snang mngon byang gi lung / slob ma dad cing rigs btsun pa/ /zhes sogs 'dren par mdzad/ rjes su 'dzin tshul gnyis pa'i dbang du byas nas sems can tshad med pa bshad cing / de'ang re zhig dbang mi bskur bar skyabs 'gro'i sgo nas so thar la sbyangs zhing dge sdig gi blang dor bstan/ de nas me tog la sogs pas mchod pas tshogs bsag tu bcug nas sems bskyed 'bogs shing / de'i rjes su dbang bskur ba yin te zhes gsungs nas/ 'on kyang slob dpon snying rje chen po dang ldan pas zhes sogs 'dren par mdzad pa ni mkhas pa'i legs bshad bla med du snang ngo / /yang spyir rje btsun gong mas dbang gi slob ma la grangs nges mdzad pa dang / khyad par chos rje sa paN gyis spyi rgyud kyi lung gis bya rgyud dang rnal 'byor rgyud dang bla med gsum gyi dbang gi slob ma la grangs nges mi byed pa dgag pa la/ 'brug pa sprul sku padma dkar pos brtag gnyis kyi