[A:30a]dri bar/ snod rung gang zag nyer lnga las gzhan pa/ /'jug pa bla med rgyud sde gang du bkag /bya ba'i rgyud las skabs 'dir btsan pa'i lung / /dpal ldan dus kyi 'khor lo snang min nam/ /zhes brtsad cing dri bar mdzad pa dang / dri ba de nyid kyi lan gong dkar ba mkhyen brtse chos mdzad ces pas mdzad pa la/ slar sprul sku nyid kyis lan zhig mdzad pa'i nang na bya ba'i rgyud 'di'i lung / mkhas pas slob ma gcig gam gsum/ /lnga 'am yang na bdun dag gam/ /nyi shu rtsa ni lnga yi bar/ /zung du ma gyur slob ma bzung / /de bas lhag pa'i slob ma ni/ /yongs su gzung bar mi shis so/ /zhes pa 'di kun la sbyor du btub la/ rnam snang mngon byang las/ bcu 'am brgyad dam bdun nam lnga/ /gcig gnyis bzhi las lhag kyang rung / /dpyad mi dgos par gzung bar bya/ /zhes pa 'di kun la sbyor du mi rung ba ji ltar 'thad ldan gyi rigs pas brtags na/ bya rgyud las spyod rgyud phul du gyur pa yin pas de dbang btsan par byed dgongs so zhes sogs gsungs so/ /de'i tshig rkang dang po gnyis la rnam dpyad cher mi snang ste/ dbang gi slob ma nyer lnga las lhag pa dang / de las nyung yang kha 'chams la mi rung bas dang / bla med kyi rgyud sde dag tu tshig zin la med pa'i rgyu mtshan gyis rgyud sde 'og ma'i lung 'dren par mdzad pa yin la/ de ltar mdzad pa de'ang khyed kyi thugs la sa paN gyis sbyor du rung mi rung ma gzigs par rang gar sbyar 'dug dgongs nas de ltar gsungs par snang na'ang / chos rje mkhyen rab kyi dbang phyug 'di ni