[A:31a]bar song bas shin tu ya nga'o/ /gzhan yang khyed kyis brtag gnyis dri ba'i yang lan du 'thad ldan gyi rigs pas brtags na zhes sogs kyang mi 'thad de/ spyi rgyud kyi lung de rgyud sde gong ma la sbyar du rung ba ni rdo rje 'chang gis gsungs tshul bshad zin pa de yin la/ rnam snang mngon byang gi lung de gong ma la sbyor bar ston pa'i rdo rje 'chang gis gsungs pa'i lung yod na khyod kyis ston cig dang / de 'dra med pas 'di'ang ston pa la rgol bar song ngo / /yang khyed kyi dus 'khor bya rgyud las btsan zhes pa bla med nang phan tshun yin pas zhes par snang ba 'di'ang phyogs gcig ma gzigs pa'i gsung ste/ bla med spyi la kha skong dgos pa dag rgyud sde 'og ma nas 'gang ba rgyud nyid las/ ji ltar de nyid 'dus pa yi/ /dkyil 'khor cho ga de bzhin bya/ /zhes pa dang / gang du las ni yod gyur la/ /zhes sogs gsungs pas gsal ba yin la/ bla med spyi la dus 'khor gyi rgyas 'gebs pa'i tshad ldan gyi lung gis zin so med pa'i phyir/ yang dus kyi 'khor lor nyer lnga las lhag pa la dbang bskur bya ba gnang ba'i rgyu mtshan la yang lan der/ yang / sngags kyi dbang bskur byed pa na/ /grangs nges med par dbang bskur byed/ /'di ni rdo rje 'chang gis bkag /ces sgra ji bzhin pa yin na/ chos rgyal 'jam dbyangs grags pas tshangs pa'i drang srong bye ba phrag phyed dang bzhi la dbang tshar gcig gis bskur ba 'grel chen du dngos bstan du 'byung bas ston pa la ma brtsis par song / de ltar na jo bos/ bkag pa spyad par gyur pa'i phyir/ /dka' thub