[A:32a]grol bar gyis shig gzhan yang mdo sde dkon mchog brtsegs pa las/ rgyal sras byams pa dang 'jam dbyangs kyis mkhan po mdzad/ khyim bdag dgu stong dang bdun stong khyim pa'i rtags dang ldan bzhin du bsnyen par rdzogs par gsungs pas na da lta'ang de ltar byed rigs par 'gyur te de ltar sngon byung ba'i gang zag sngon byung ba'i rgyu mtshan gyis de nyid da ltar bya dgos par 'dod pa'i phyir/ yang gong gi dri ba de'i 'phros las/ bya ba'i rgyud la bkag na'ang de nyid kyi/ /rigs gtad rjes gnang khrom la byed pa'ang 'gal/ /skabs 'di'i rjes gnang dbang la dgos pa'i khyad/ /ci yang ma mthong tshig la rtsod pas ci/ /zhes pa ni rdo rje 'chang la brtsad pa ste/ /gsang ba spyi rgyud las/ mkhas pas slob ma gcig gam gsum/ /lnga 'am yang na bdun dag gam/ /nyi shu rtsa ni lnga yi bar/ /zung du ma gyur slob ma gzung / /de bas lhag pa'i slob ma ni/ /yongs su bzung ba mi shis so/ /zhes pa 'di bla med dang rnal 'byor rgyud kyi dbang gi slob ma'i grangs nges la sbyor du mi rung zer na'ang / bya rgyud kyi dbang gi slob ma'i grangs nges bstan pa la smyon par mi nus la/ bya rgyud kyi rigs gtad dang rjes gnang sogs la grangs nges de ltar dgos pa rgyal bas ma gsungs pa'i phyir/ dbang bskur dang rjes gnang la don la khyad par med zer ba'ang rgyud sde spyi la dgongs na ni gsang sngags kyi lam gyi rtsa ba dbang bskur spong ba'i bdud tshig yin te/ rdo rje theg pa'i sgor zhugs pa'i gang zag gis dbang la ma brten par mchog 'grub pa med par