[A:33a]pa'i dgongs don ni/ brtag gnyis las/ mtshan mo skye bo med khyim du/ /slob dpon la sogs rab phye nas/ /dbang ni ji ltar gsungs pa nyid/ /ces dang / rdo rje mkha' 'gro las/ yul de dag gi bu mo gang / /rtag tu mtshan mo 'phyan pa dang / /sgrub pa po la dngos grub ster/ /zhes gsungs pa ltar dkyil 'khor bsgrub cing mchod pa dang / slob dpon bdag nyid 'jug cing dbang blangs ba dang / slob ma la dbang bskur ba sogs thams cad mtshan mo tshar na legs shing / de'ang rdo rje rtse mo ni dus 'khor las kyang dkyil chog mang ba dang / bla med la bde kye gnyis sogs dus 'khor las nyung yang de dag gis rdo rje slob dpon gyi dbang rnams slob ma re re nas dbang stegs la bzhag nas bskur ba dang / dbang gong ma gsum gyi dngos gzhi'ang slob ma re re nas bskur ba dang po'i phyag len la yod pas/ de bzhin byas pas nyer lnga las lhag pa la mtshan mo de'i nang du mi tshar ba shas che bas skya rengs shar gong mtshan mo byon pa'i dpa' bo rnal 'byor ma rnams tshogs gtor gyis mnyes par byas nas gshegs gsol thub na 'brel chags shing shis pas na de ltar du chos rjes gdul bya rnams la brtse bas 'doms par mdzad pa yin zhing / de ni rgyud kyi dgongs pa'ang yin te spyi rgyud las/ lha yang nyi ma nub pa na/ /nges par byin gyi rlabs kyis 'du/ /nyi ma shar bar ma gyur pa/ /mchod nas gshegs su gsol ba shis/ /zhes gsungs pas so/ /des na dbang gi cho ga yongs su rdzogs pa mtshan mo gcig la tshar na legs pa