[A:33b]las/ nyer lnga las lhag pa la byas na mi tshar ba shas che bas de las lhag pa la mi bya zhes 'doms par mdzad pa yin pas/ dus 'khor dang phreng ba sogs kyang nyer lngar grangs bcad de mdzad thub na shin du'ang legs la/ der ma zad slob ma re re nas bskur thub na'ang legs pa nyid yin pas/ dus 'khor phreng ba'i dbang nyid mang po la/ /brten bzhin de skad smras kyang mdzes pa min/ /zhes pa'ang ma nus med du grub bo/ /'brug pa'i gsung 'di la'ang kha cig tu ston cing zhes pa dang / 'ga' zhig tu ston bzhin/ zhes 'byung ba de ltar byas na slob ma mang po la ston bzhin zhes par 'gyur la/ de ni/ bde kye nyung ba mngon sum nyid kyis grub/ /ces pa 'di dang gzhung snga phyi'i 'brel mi 'grig cing khong rang gi yang lan der cho ga'i tshogs mang po la brten zhing zhes pa lta bu gcig bshad yod pas snga ma ltar byas na 'brug pa'i rjes 'jug dag phyogs snga ma longs zhes zer ba dag 'byung du dogs te da dung dpyad par rigs so/ /yang brgal lan tshangs pa'i rig sngags su 'phros don gyi tshul du 'di ltar/ gnyis pa ni rgol bas chos rje bla ma'i dgongs pa yin par byas nas snang gsum gyi sngon du dbang nges par byed pa de la 'di 'dri ste/ khyed kyi khrid tshul de skal ldan cig car ba dang skal dman rim 'jug pa gang gi lam rim yin/ dang po ltar na lam rim de la dbang dang rim gnyis yan lag dang bcas pa'i bar du snang gsum gyi khrid mi dgos te/ de la thun mong ba'i lam gyis rgyud sbyangs mi dgos par dang po nyid nas dbang dang rim gnyis 'brel pa can du