[A:34a]byas chog pa rgyud kyi dgongs pa dang / dbang gi sngon du skyabs 'gro dang sems bskyed tsam gnon pa bla ma rnams kyi phyag len yin par rje btsun gong mas bshad pa las/ khyod kyis ni bshad pa'i dbang gi sngon 'gro'i sems bskyed bor nas/ ma bshad pa'i thun mong gi lam gyis dkri ba ni nor/ phyi ma ltar na gang zag de la thun mong ba'i lam rim gyis bkris nas/ phyis snod rung du gyur pa na dbang bskur bar bshad kyi/ dang po nyid nas tsham tshom med par dbang bskur ba bshad pa med/ ma bshad pa tsam du'ang ma zad slob dpon rin po che'i dbang chu dang / rje btsun gyis ljon shing sogs las lung rigs kyi sgo nas de ltar byed pa bkag go /'ga' zhig 'di'i rjes skyob par 'dod nas/ rdo rje'i tshig rkang gi bla ma dam pa'i zhabs pad btud de zhes pas smin byed kyi dbang bstan cing / gzhung bshad rnams las snang gsum gyi skabs su thos bsam dang bslab pas rgyud sbyangs pa dang / dbang gis sbyangs pa zhes bshad pas snang gsum gyi sngon du dbang nges par dgos par grub ces smra'o/ /de ltar na gdan sogs gsum pa bzhi'i rgyu'i dbang zhes pas rgyu dbang bstan par gzhung bshad mtha' dag nas 'byung bas/ snang gsum khrid kyi thog mtha' gnyis char du dbang re bya dgos par 'gyur ro/ /'o na ci zhe na bla ma dam pa'i zhabs pad btud de zhes pa ni bstan bcos lus dang mthun pa'i mchod brjod yin pas/ des de bstan par sems pa ni blo gros shin tu chung ba ste/ nyams snang gi rten rnal 'byor pa la dbang gis smin pa sogs