[A:35a]'dus/ de'i sngon du lam gyi gzhi gdan gyi tshul du snang gsum gyi khrid dgos pa drangs ma thag pa'i lung des shes/ de la dgongs nas rje btsun gyis gzhung ji lta ba'i khrid yig gnyis char du snang gsum lam gyi gzhi bca' la sbyar ba de bshad pa yin la/ de ltar du bkris nas nyams su blangs nas nyams myong skyes pa de grub chen gyi gzhung gi dgongs par bsgrub pa'i phyir/ phyis rdo rje'i tshig rkang las bstan pa de dag gzhung bshad dang mthun par slob dpon gyis bshad/ slob mas thos bsam gyi sgro 'dogs chod par bya dgos pa'i don du bshad pa yin zhes gsungs nas/ chos rje bla ma dam pa'i khrid yig gi dgongs don la kho bo cag ni dngos bstan de khyab mthar mi bzung / 'phags yul lta bu na theg pa che chung dang / rgyud sde bzhi'i gdul bya rigs so sor nges pa yod kyang / bod na theg dman dngos su med pa dang / deng sang dbang dar ches pas lam 'bras zhu mkhan rnams de gnyis gang rung la zhugs pa shas che bas dang por dbang byas kyang nyes pa med pa la dgongs nas snang gsum sngon du dbang bskur ba bshad la/ de lta bu la snang gsum gyi khrid ma byas kyang rung mod/ gzhung ji lta ba'i khrid kyi kha tshang ba'i ched dang / des snang gsum gyi lam nyams su blangs kyang skyon med pa la dgongs pa yin pas 'di ltar 'chad shes na dka' gnas su sems pa thams cad rang grol du 'gro ba yin gsungs/ de dag dang mthun par glo bo mkhan chen bsod nams lhun grub kyis rab 'byams pa blo gros rab gsal gyi dris lan du khrid yig phyi ma 'di