[A:35b]la brten nas snang gsum gyi sngon du dbang byed pa rnams ni gdul bya la ltos pa'i lam dkri lugs kyi babs dang ye mi mthun pas zhes dang / 'on kyang da lta snang gsum gyi sngon du dbang bskur byed pa'ang dang po'i dus kyi lam 'bras pa rnams kyis sngar dbang gis smin pa zhig la lam 'bras kyi khrid ston pa'i tshe dbang de khrid kyi sngon 'gro'i rgyu dus kyi dbang min yang / slob dpon rang nyid las kyai rdo rje'i dbang bskur re thob par byas nas/ de dang 'brel ba'i khrid ston pa la bla bu bsgrigs pa'i lugs su byas nas/ de 'dra'i gang zag la rgyud gsum man chad kyis dkris pas chog kyang / khrid kyi kha tshang ba'i phyir snang ba gsum nas ston pa mang po zhig byung zhing / de 'dra'i sgo nas khrid byed pa la 'gal ba yod pa ma yin kyang / skal dman rim gyis pa'i dkri tshul la bsams nas tshogs pa shin tu mang ba la de ltar byed pa ni gang dang yang mi mthun nam snyam lags zhes gsungs so/ /gong du tshangs pa'i rigs sngags kyi 'phros don bshad pa de la mkhan chen bzang bkras pas snyan brgyud 'khrul sel las lan gang yang ma gsungs par btang snyoms su 'jog par mdzad cing / sgyi chu ba buddha shrI'i yang lan nor bu'i phreng bar de la snyan brgyud zab mo'i don go bar mi 'gyur bas mgo sgre'i lan 'di brjod par bya ste/ khyed kyis gzhung khrid rgyas pa lan gnyis slob ma la 'chad pa'i tshe/ gnyis pa de skal ldan cig car ba'i lam mam skal dman rim 'jug pa'i lam gang yin/ dang po ltar na dbang dang rim gnyis yan lag dang bcas pa'i bar du snang gsum gyis dkri dgos pa ma yin