[A:36a]te/ dang po nyid nas dbang dang rim gnyis 'brel pa can du byas chog pa rgyud sde'i dgongs pa yin pa'i phyir/ ci gsung / gnyis pa ltar na skal ldan cig car ba dbang dang lam gyis dkris zin nas slar skal dman rim 'jug pa'i lam gyis bkri ba khyed rang ltar na rung ba ma yin te/ gzhan yang dbang bskur zin pa'i slob ma la snang gsum gyi khrid phog na rtsa ltung 'byung bar bshad pa de'ang dran par gyis la lan gsungs shig khyed kyi bshad pa ni de 'dra/ lag len ni de 'dra na gzu bor gnas pa'i blos dpyod cig ces gsungs so/ /yang gong du bkod pa'i thams cad mkhyen pa dkon mchog lhun grub kyi brgal lan tshangs pa'i rigs sngags su 'phros don du gsungs pa de dang mtshungs par/ rje btsun de nyid kyis mdzad pa'i gzhung ji lta ba bzhin du dkri ba'i gzhung shing las 'phros pa'i dri bar don tshan lnga yod pa'i dang po las/ snang gsum sngon du dbang bskur ba/ /nges par dgos zhes khas len pa'i/ /lam 'bras pa la 'di skad 'dri/ /lam de'i go rim rgyud gzhung nas/ /bshad pa'i skal dman rim 'jug dang / /skal bar ldan pa cig car ba'i/ /lam rim gnyis po gang yin dri/ /dang po ltar na khrid tshul de'i/ /sngon 'gro 'khor ba'i nyes dmigs dang / /dal 'byor rnyed dka' byams snying rje/ /byang chub sems bskyed la sogs pa/ /tshad ldan gong mas bshad kun chad/ /chad pa min na go rim nor/ /nges par 'byung ba'i blo tsam yang / /ma skyes pa de sngags lam du/ /ci dgar 'jug pa rgyud las bkag /phyi ma ltar na snang