[A:36b]ba gsum/ /nges pa can du ston pa lhag /lhag pa min na rnam gzhag 'chol/ /zhes gsungs te/ de dag gi don yang snang gsum khrid kyi sngon du nges par dbang bskur nas dkri ba'i khrid 'di skal dman rim 'jug pa ltar dkri ba'i khrid yin nam/ skal ldan zhig cig car ba ltar khrid pa'i khrid gang yin/ dang po ltar na khrid tshul de la sngon 'gro 'khor ba'i nyes dmigs sogs ston dgos pa rnams chad la/ de dag dbang bskur nas de'i rjes su ston pas chad pa min zer na/ lam rim de la thog mar 'khor ba'i nyes dmigs ston pa sogs thun mong ba'i lam gyis sbyangs pa rnams bstan nas/ gzod thun mong ma yin pa'i lam dbang bskur ba sogs byed dgos pa la/ khyed dag thog mar dbang nges par dgos par 'dod pas go rim nor zhing 'khor ba las nges par 'byung ba'i blo tsam yang ma bskyed pa'i gang zag de sngags lam du 'jug pa rgyud las bkag la/ phyi ma ltar na skal ldan cig car ba la dbang gi rjes su snang gsum gyi khrid nges par byed pa lhag cing / ci ste skal ldan cig car ba la yang thun mong gi lam sngon du 'gro dgos pas lhag pa min zer na/ de dag kyang dbang gi sngon du dgos pa la rjes su byas pas rnam gzhag 'chol bar song zhes par snang ngo / /de'i lan du thams cad mkhyen pa rdo rje gdan pa kun dga' rnam rgyal dpal bzang po'i thugs sras byang chub dbang rgyal zhes bya bas lam 'bras bu dang bcas pa'i skabs kyi dri lan rmongs pa'i mun sel zhes bya ba mdzad pa de nyid las/ rje btsun mthu stobs dbang phyug gis/ /gsung gi rdo rje'i tshig