[A:39b]ba'i skabs bzhin bsgom dgos par gsungs pa sogs dang 'gal zhing / gzhan yang khrid kyi sngon 'gro yin pas bsag sbyong gnyis snang gsum gyi sngon du 'gro dgos/ de byas na dbang ma thob pa'i bla ma tshogs zhing du mi rung bar chos rje sa paN gyis bshad pa dang 'gal ba dang / rdo rje sems dpa'i bsgom bzlas kyang dbang ma thob na mi rung bas de byas na sgrib pa sbyong bsag gang du 'gro mi shes/ gal te bsag sbyong gnyis dbang gi rjes su byed zer na/ 'o na de gnyis khrid kyi sngon 'gro min pa'am/ snang gsum khrid min pa gang rung las ma 'das/ snang gsum khrid min na gsung ngag lam 'bras la khrid tshul nyer brgyad nyer dgu sogs su dkar chag las gsungs pa dang 'gal zhes pa'i don no/ /de nas/ mdor na snang ba gsum gyi sngon/ /zhes pa nas/ legs par thob ces gsungs phyir ro/ /zhes pa'i bar gyis slar yang snang gsum gyi sngon du dbang dgos pa'i shes byed 'don pa ste/ de'ang mdor na snang ba gsum gyi sngon du sngon 'gro bcu gnyis 'gro dgos par rje btsun gyis dbang po rab 'bring gsum gyi bkri ba'i gzhung shing dang / chos rje sa paN gyis mdzad pa'i khrid yig dkar chag dang / tshogs bsgom rin po che'i dngos slob nyan gnyags gnyis kyi gzhung ji lta ba bzhin bkri ba'i khrid yig dang / chos rje dpal ldan bla ma dam pa'i khrid yig sbas don gsal ba rnams su gsal bar gsungs shing / khrid yig de tshad mar ni gsan yig rgya mtshor bshad/ snang gsum gyi sngon du sngon 'gro de dag byed par 'dod dgos la/ des snang gsum gyi sngon du dbang