[A:40a]bskur byed par yang grub ces pa'o/ /de'i rjes su/ khyad par snang ba gsum gyi sngon/ /zhes pa nas/ yid brtan rung ngam shes ldan dag /ces pa'i bar ni snang ba gsum gyi sngon du dbang dgos pa'i rgyu mtshan gzhan 'don pa ste/ de'ang rnal 'byor dbang phyug gis lam 'bras rdo rje'i tshig rkang las snang ba gsum dang rgyud gsum sogs kyi thog mar/ bla ma dam pa'i zhabs pad btud de zhes gsungs pa dang / de'i don gzhung bshad rnams su'ang thog mar phyi nang gsang ba mthar thug gi bla ma bzhis dbang bzhi bskur lam bzhi bsgoms pas sku bzhi 'grub par gsungs pa sogs kyi bshad pa rgyas par mdzad pas kyang snang gsum gyi sngon du dbang dgos pa grub ces pa'i don dang / de nas/ gzhan yang khyed rnams la la dag /ces pa nas/ snang gsum yod pas khyab lags sam/ /zhes pa'i bar ni ngor lugs la 'gal ba brjod pa ste/ de'ang khyed la la khrid kyi dkar chag 'di sa paN gyis mdzad pa min/ lcang ra ba kun dga' rgyal mtshan gyis byas zer ba ni gsan yig rgya mtshor/ khrid kyi dkar chag sa paN gyis mdzad pa thob pa'i brgyud pa ni zhes sogs gsungs pa dang 'gal zhing / gzhan yang skal ldan cig car ba la snang gsum nges par mi dgos zhes pa'i shugs la/ rim 'jug pa la de nges par dgos pa khas blangs pas rim 'jug pa'i lam rim thams cad la snang gsum nges par yod dgos sam zhes pa'i don no/ /de nas/ rim gyis 'jug pa'i skyon brjod pa'i/ /zhes pa nas/ de la bdag gis ci zhig bya/ /zhes pa'i