[A:40b]bar ni gong du bkod pa'i dri tshig tu/ nges par 'byung ba'i blo tsam yang / /zhes sogs kyis lan 'don pa ste/ /de'ang dbang gi sngon du khyod 'dod pa'i rgyud sde nas bshad pa'i sems bskyed sngags lugs zer ba de ma byas pa rgyu mtshan du bkod nas kho bo cag la skyon brjod mod/
dbang gi sta gon gyi dus su sems bskyed gur nas bshad pa bzhin byas pa des sems bskyed kyi go mi chod na/ yan gar dbang byed ba'i tshe'ang khyed 'dod pa'i sems bskyed de byed dgos par 'gyur bas de ni rje btsun gong ma rnams la rgol bar song zhes pa'i don no/ /yang rje dkon mchog lhun grub kyi dri ba gnyis pa ni gong gi dri ba'i gsung de nyid las/ thun mong lam gyi sngon 'gro ru/ /dbang bskur nges par dgos pa mtshar/ /snang gsum thun mong lam min na/ /sngags lam kho nar 'dod nus sam/ /nus na mdo rgyud thams cad kyi/ /snying po bsdus pa yin no zhes/ /smra ba ne tso'i 'don pa ste/ /mdo sde'i snying po gang la byed/ /sngags lam yin na smin grol las/ /gzhan med smin byed yin nam ci/ /grol lam yin na lta ba yi/ /rgyas thebs rim gnyis 'khor bcas las/ /rgyud gzhung kun nas bshad pa med/ /rim gnyis gang du 'du ba smros/ /khrid tshul gnyis ka ma yin pa'i/ /lam 'bras phung po gsum pa zhig /rgyud gzhung dgongs par 'chad nus sam/ /zhes gsungs/ de'i don yang snang gsum mdo sngags thun mong ba'i lam yin pas de'i sngon 'gro la dbang bskur bas nges par byed pa mtshar che/ ci ste snang gsum mdo sngags thun mong ba'i lam min zer na/ 'o