[A:41a]na de sngags lam kho na yin na gsung ngag lam 'bras 'di mdo rgyud ma lus pa'i snying po bsdus pa'i nyams len min par 'gyur ba dang / der ma zad rim gnyis yan lag dang bcas pa las gzhan pa'i bla med kyi sngags lam ma bshad pas snang gsum de nyid gang du 'du ba yin/ des na skal ldan cig car ba dang rim 'jug pa gnyis kyi lam gyi bkri tshul gang yang ma yin pa'i lam 'bras kyi khrid tshul phung po gsum pa zhig 'dod nus sam zhes 'dri ba yin la/ de'i lan du chos rje byang chub dbang rgyal gyis mgo mtshungs dang / rnal ma'i lan gnyis su mdzad nas dang po la/ de la snang ba gsum po ni/ /thun mong lam yin shes byed med/ /yod na sngags lam yin nam ci/ /sngags lam yin na smin grol las/ /gzhan med smin byed yin nam ci/ /zhes sogs skyon brjod thams cad kyang / /rang la log pa ma yin nam/ /de ltar min na snang ba gsum/ /mdo lam kho nar 'dod nus sam/ /nus na mdo rgyud thams cad kyi/ /snying po bsdus pa yin no zhes/ /smra na ne tso'i 'don pa ste/ /sngags kyi snying po gang la byed/ /gzhan yang lam 'bras lam rim 'di/ /sngags lam yin phyir smin grol las/ /gzhan med smin byed yin nam ci/ /grol lam yin na lta ba yi/ /rgyas thebs rim gnyis 'khor bcas las/ /rgyud gzhung kun las bshad pa med/ /rim gnyis gang du 'du ba smros/ /rdzogs rim yin na thabs rgyud kyi/ /bum dbang lam de gang du 'gyur/ /srin bu'i kha chus srin 'bu bzhin/ /rang gi tshig gis rang nyid ni/