[A:41b] /bcings par gyur pas mi ngal lam/ /phyi nas bag yod bsten par rigs/ /zhes gsungs/ gnyis pa rnal ma'i lan la/ gnyis pa nges pa'i lan du ni/ /snang gsum thun mong lam yin pa/ /nyes dmigs byams dang snying rje sogs/ /theg pa gzhan la'ang yod bsam mod/ /de lta yin na lta khrid kyang / /thun mong 'gyur te de bas kyang / /thun mong 'gyur te de bas na/ /dbang bskur dang ni sngon 'gro yang / /phyis nas byed pa cis mi rigs/ /'di ni thun mong ma yin te/ /sgom pa gsum gyis zin pa'i phyir/ /khyad par lam 'bras khrid yin na/ /thun mong ma yin khrid du nges/ /lam 'bras min na tshig rkang du/ /lam 'bras 'dri zhes dam bcas nas/ /lam 'bras min pa bris gyur na/ /rnal 'byor dbang phyug 'khrul lags sam/ /mdor na dbang bskur ma byas par/ snang ba gsum gyis bkri ba'i tshe/ /nyams kyi snang ba'i rten la ni/ /khyad chos gsum gyi rgyud dag la/ /thos bsam dbang gis rgyud dag par/ /dgos par gsungs na mi 'dod cing / /thun mong min pa'i nyams snang ni/ /rim gnyis bsgoms pa las byung ba'i/ /nyams snang 'char tshul rnams gsungs na/ /gsang sgrog 'gyur ba ma yin nam/ /thun mong yin na nyams bco lnga/ /sogs dang dag pa'i snang ba yi/ /bde bar gshegs tshul la sogs pa/ /mdo sde'i gsungs rab gang na bshad/ /khyad par gzhung bzhin bkri bar ni/ /snang ba gsum gyis bkri gsungs nas/ /de rjes kho nar rgyud gsum gyis/ /dkri bar gsungs na bar skabs der/ /rgyu dbang bskur ba su yi