[A:42a]lugs/ /zhes gsungs so/ /de ltar gnyis kyi nang nas mgo sgre'i lan ni rtogs par sla la/ rnal ma'i lan de dag gi don mdor bsdu na snang gsum lam 'bras kyi khrid yin pas thun mong ma yin pa'i khrid yin cing / snang ba gsum gyi nyams snang gi rnal 'byor pa la thos bsam dang bslab pas rgyud sbyangs pa dbang gis rgyud dag pa sogs dgos par bshad la/ nyams bco lnga po rnams kyang thun mong ma yin pa'i nyams yin pas dbang ma bskur bar de dag bstan na/ gsang sgrog 'byung / ci ste nyams bco lnga po thun mong ba'i lam yin na mdo sde'i gzhung gang nas bshad/ khyad par rje btsun gyis gzhung ji lta ba bzhin bkri ba'i khrid yig tu/ thog mar snang ba gsum gyis bkri/ de'i rjes kho na la rgyud gsum gyis bkri bar gsungs na/ de gnyis kyi bar der rgyu dbang byed pa de su'i lugs yin ces pa'i don no/ /yang rje dkon mchog lhun grub kyi dri ba gsum pa ni/ snang gsum lam gyi bzhi bca' ba/ /rang rkang tshul du 'chad pa yi/ /khyad par gang yin gsal por smros/ /gzhi bca' zhes pa'i nges tshig ci/ /zhes pa yin la/ de'i lan la byang chub dbang rgyal gyis/ zer mod gzhi bca' rang rkang gnyis/ /go rims ji bzhin bkri ba dang / /rkang 'don tshul du bkri ba yi/ /so so'i skabs su shes bya zhing / /gzhi yis nges tshig yod pa yi/ /lam ngos min par khas len na/ /rgyud gsum bkri ba'i skabs su gzhi/ /dam tshig la gnas zhes gsungs pas/ /dam tshig nyi shu lam min par/ /khas len dgos pa ma yin