[A:42b]nam/ /des na smra ba nyung na mdzes/ /zhes gsungs so/ /yang rje dkon mchog lhun grub kyi dri ba bzhi pa ni/ gzhan yang grwa ston zhus lan nas/ /'byung ba'i lam rim lam 'bras dang / /rgyud gsum dang ni mdo rgyud spyi'i/ /lam rim gsum po gang du 'tshal/ /dang po ltar na snang gsum gyi/ /sngon du dbang bskur bshad 'dug gam/ /gnyis pa ltar na tshul de dang / /'gal ba'i lam 'bras rgyud gsum nas/ /bshad pa min par khas long zhig /phyi ma ltar na lam 'bras dang / /mi mthun lam de mdo rgyud kyi/ /dgongs par grub phyir lam 'bras kyi/ /go rim de 'dra gang nas byon/ /mdo rgyud kun dang mi mthun pa'i/ /lam de gong ma'i dgongs pa zhes/ /smra ba de dag gad mo'i gnas/ /zhes pa'i lan du dri lan de nyid las/ thog mar dbang po rab 'bring gsum gyis bkri ba'i khrid rim rtsod gzhir bzung nas/ sngar gyi dri ba'i tshig de ji lta ba bzhin bkod de/ zhes pa bzlog na ji skad smra/ /zhes mgo sgre ba mdzad cing / de'i rjes su/ gzhan yang rgyu dus dbang gi sngon/ /snang gsum dgos pa'i skyabs gnas su/ /grwa ston zhu lan 'tshol mod kyi/ /de ni spyir du mdo sngags kyi/ /lam gyi 'gro tshul bsdus pa tsam/ /bstan pa yin gyi khyad par du/ /gzhung bzhin bkri ba'i khrid kyi rim/ /nges par bstan pa ma yin la/ /yin na snang gsum rgyud gsum gyi/ /go rim tshang bar ston dgos las/ /thun mong ma yin nyams snang dang / /dag pa'i snang ba'i ming tsam yang / /bstan pa med phyir snang gsum gyi/ /snang ba phyed gnyis las med pa'i/ /snang