[A:44a]nyams len ma lus rgyud gsum dag gis shes/ /zhes gsungs la/ de dang mthun par rje btsun gyis gzhung ji lta ba bzhin bkri ba'i khrid yig jo lcags kyi don du mdzad pa las/ snang ba gsum gyis bkri ba'i skabs bstan zin to/ /de'i rjes kho na la rgyud gsum gyis bkri bar bya ste/ de la gsum/ rgyu chos can 'khor ba'i gnas tshul/ lam ji ltar bsgom pa'i tshul/ 'bras bu sangs rgyas kyi sa'o/ /dang po 'dir mi 'chad de ma dag pa'i snang ba'i skabs su bstan zin to/ /lam la gsum ste gzhi dam tshig la gnas par bya ba dang / gang zag bkri ba'i tshul gang yin pa dang / nges shes bskyed la ting nge 'dzin ngo shes par bya ba'i lam gyi sa mtshams bzhag pa'o/ /dang po ni lam thams cad kyi rtsa ba yin cing / gang zag 'bring gi lam gyi gtso bo yin pas dam tshig nyi shu bskyang bar bya ste/ dbang dang dam tshig la gnas pa ni lam thams cad kyi gzhi yin no zhes snang ba gsum gyis dkris zin nas dbang dang dam tshig ston par gsungs pa dang / rje sa paN gyis brda don gsal ba las/ dbang thob zin pa'i gang zag la dang po nyid nas lta ba ston par gsungs pas zhes gsungs pa ltar yin la/ de dag la rang gi go tshod kyis rnam dbye cung zad re phye na/ rje btsun thams cad mkhyen pa dkon mchog lhun grub kyis gsung ngag 'chad pa'i tshe snang gsum sngon du nges par dbang bskur ba byas nas khrid ston pa 'di skal ldan cig car ba dang / skal dman rim 'jug pa gang gis lam gyi bkri tshul yin zhes dri ba mdzad pa la/ sgyi chu ba buddha shrIs de