[A:45a]mkhas pa'i dbang po dkon mchog lhun grub kyis/ snang gsum thun mong lam min na/ /sngags lam kho nar 'dod nus sam/ /nus na mdo rgyud thams cad kyi/ /snying po bsdus pa yin no zhes/ /smra ba ne tso'i 'don pa ste/ /mdo sde'i snying po gang la byed/ /ces gsungs pa la/ chos kyi rje byang chub dbang rgyal gyis/ /de la snang ba gsum po ni/ /thun mong lam yin shes byed med/ /yod na sngags lam yin nam ci/ /sngags lam yin na smin grol las/ /gzhan med smin byed yin nam ci/ /zhes sogs skyon brjod thams cad kyang / /rang la log pa ma yin nam/ /de ltar min na snang ba gsum/ /mdo lam kho nar 'dod nus sam/ /nus na mdo rgyud thams cad kyi/ /snying po bsdus pa yin no zhes/ /smra ba ne tso'i 'don pa ste/ /sngags kyi snying po gang la byed/ /ces gsungs pa 'di'i mgo mtshungs dang po de ngo thog tsam la cung zad 'grigs pa ltar snang yang / mgo mtshungs phyi ma de la rnam dpyad cher ma byung ste/ rje dkon mchog lhun grub kyi gsung de'i don ni snang gsum thun mong ma yin pa'i lam yin na/ gsung ngag lam 'bras 'di mdo rgyud thams cad kyi snying po bsdus pa'i lam du mi 'gyur te/ snang gsum ni sngags lam du bsdus/ de las gzhan pa'i gsung ngag lam 'bras kyi nang na mdo sde'i snying por grub pa'i lam med pas gang la ngos 'dzin zhes pa'i don yin la/ de la rje byang chub dbang rgyal gyis mgo mtshungs brjod pa'i don ni snang gsum mdo lam kho nar 'dod nus sam/ nus na lam 'bras la mdo rgyud