[A:45b]kyi snying po bsdus pa'i lam rim zhes brjod pa mi rigs te/ snang gsum ni mdo lam yin/ sngags kyi snying po gang la ngos 'dzin zhes par song bas/ de la ni ngor lugs pa dag gis lam 'bras la mdo rgyud gnyis ka'i lam tshang bar bshad pa'i sngags lam ni rgyud dbang bskur nas rgyud gsum gyi sgo nas bkri ba'i lam rim 'di yin zhes pa'i lan don mthun du thebs pa'i phyir ro/ /de dag ni dgag sgrub kyi tshe brjod tshul gyi cha la rnam dbye cung zad phye ba yin gyi/ don gyi snying po ni gsung ngag 'chad pa'i tshe snang gsum gyi sngon du dbang bskur ba 'di gtso bor rdzong lugs kyi phyag len la snang zhing / de lung rigs kyis sgrub pa'ang mdzad do/ /ngor lugs la gsung ngag 'chad pa'i tshe thog mar snang ba gsum gyi khrid bstan/ de nas rgyu dbang bskur/ de nas sngags lam gyis bkri ba 'di gtso bor phyag len la mdzad cing / de'ang khrid yig jo lcags ma dang grwa ston zhus lan gyi dgongs pa dang mthun par sgrub pa mdzad pa yin no/ /de la snang gsum gyi sngon du dbang bskur ba 'di gtan nas mi rung ba ma yin te/ skal ldan cig car ba'i rigs can 'ga' zhig la thun mong ba'i lam gyi sbyangs ba sngon du ma song yang dang po nyid nas dbang bskur bas chog pa ni/ skal dman sems can 'dul dka' ba/ /zhes sogs kyi shugs bstan gyi zhus lan dang / gdol pa smyig mkhan la sogs pa/ /gsod don don du sems pa po/ /de rnams kye rdo rje shes na/ /'grub 'gyur 'di la the tshom med/ /zhes gsungs pa sogs la brten nas rje btsun gong ma dag gis gsal bar bshad pas