[A:4b]rgyun gnyis pa ni kyai rdo rje'i rgyud kyi mtshan dang / 'gyur dang bla ma brgyud pa sogs ngor lugs dang mi mthun pa dag la mtha' dpyod mdzad pa zhig ste/ rgyud dang man ngag gnyis kyi nang nas gtso bor rgyud 'grel gyi phyogs so/ /chu rgyun gsum pa ni theg chen chos rje'i Dombi lugs kyi kye rdor gyi sgrub dkyil gnyis kyi rtsod spong du snang la/ chu rgyun bzhi pa ni gtso bor gsung ngag lam 'bras kyi phyag len 'ga' zhig las brtsams te ngor lugs la brgal zhing brtags pa'o/ /bsgrub pa bzhi'i dang po ni gong ma'i bka' bsgrub pa/ gnyis pa ni 'phags pa'i bzhed pa bsgrub pa/ gsum pa ni chos rje bla ma'i bzhed pa bsgrub pa/ bzhi pa ni phyag len bsgrub pa yin cing / de bzhi dang chu rgyun phyi ma gsum ngor lugs la ched du brgal ba gtso che'ang / gzhan rnams la ngor lugs kyi brgyud 'dzin rnams kyis lan mdzad pa ni ma mthong la/ chu rgyun bzhi pa dang bsgrub pa dang po la/ ngor pa'i mkhas pa dag gis lan gyi rim pa mang du snang ngo / de'ang chu rgyun bzhi par/ sems bskyed brgyud pa med pa dang / /rjes bzung grangs nges med pa dang / /sta gon 'brel pa med pa dang / /slob dpon grangs nges med pa dang / /lus dkyil 'byung khungs med pa dang / /dbang rdzas yongs dag med pa dang / /rgyas gdab rigs mtshon med pa dang / /bza' ba'i dam tshig med pa yis/ /'di na thabs mchog thabs min byed/ /smin byed byas kyang smin min la/ /grol byed bsgom yang grol min pas/ /de phyir 'di dag dgag par bya/ /zhes ngor lugs kyi bzhed pa mi 'thad pa'i phyogs