[A:46a]grub cing / de lta bu la gsung ngag 'chad pa'i tshe snang ba gsum gyi khrid nges par bstan mi dgos kyang / de bstan pas gzhung ji lta bzhin bkri ba'i khrid kyi kha tshang pa'i dgos pa yod cing / gang zag des thun mong gi lam byams pa dang snying rje sogs bsgom pa la phan yon ma gtogs nyes pa 'byung ba'ang ma yin la/ dper na rgyu dbang thob pa'i gang zag gis/ dbu ma'i lta khrid dang / zhi byed/ gcod khrid/ blo sbyong gi khrid la sogs pa nyan bsgom gnyis ka rung ba bzhin no/ des na gang zag de lta bu ma yin yang rgyud sbyangs ba sngon du song ba'i gdul bya 'ga' zhig la snang gsum gyi sngon du dbang byas pas nyes pa med cing / dbang gi rjes su snang gsum bstan na mi legs pa'ang ma yin par bshad do/ /yang snang gsum gyi sngon du dbang nges par dgos pa'ang ma yin te/ skal dman rim 'jug pa'i lam rim ltar na dang por 'khor ba'i nyes dmigs/ las rgyu 'bras/ 'chi ba mi rtag pa/ byams snying rje/ byang chub kyi sems sogs thun mong ba'i lam rnams kyis blo rim gyis sbyangs nas/ gzod sngags la mos shing sngags kyi snod rung du gyur pa na dbang bskur zhing khrid ston pa ni mdo rgyud kyi lam spyi dang mi 'gal zhing gsung ngag rdo rje'i tshig rkang gi bzhugs tshul dang babs 'grigs pa dang / der ma zad rje btsun rin po che'i grwa ston zhus lan 'di mdo rgyud spyi'i lam rim ston byed dang / gsung ngag gzhung ji lta ba bzhin gyi khrid rim dang mthun pa'i lam rim ston byed gang yin la ngor rdzong gnyis mi mthun yang / de