[A:48a]bstan/ de nas dbang bskur/ de nas lta ba sogs kyi khrid ston pa'i lugs gcig ste gnyis su mdzad nas/ phyi ma rtsal du ston pa ni gtan ma yin te/ bshad tshul gong 'og gnyis po de la de tsam gyis khyad par 'byed pa'i dmigs bsal dang don thob ci yang mi snang ba dang / spyir snang ba gsum gyi sngon du dbang bskur ba mdzad pa'i phyag len de gdul bya'i gang zag la ltos nas byar rung ba'i skabs du ma yod kyang / de tsam gyis snang ba gsum gyi sngon du dbang bskur nges par byed dgos pa bsgrub par mi nus shing / nus kyang 'chad tshul de rdo rje theg pa'i rgyud gzhung nas bshad pa'i skal ldan cig car ba dang / skal dman rim 'jug pa'i lam gnyis po gang yin brtags na phyogs gnyis po gang du'ang khas len nus pa dka' bar snang zhing / gzhung ji lta ba bzhin du bkri ba'i gzhung shing gi babs dang / phyag len gyi rim pa de gnyis 'grigs pa'ang shin tu dka' bas gzhung ji lta bzhin du bkri ba'i gzhung shing dngos la go rim nges pa can de lta bu zhig nges par dgos par mi bzhed par mchis lags/ de lta na gsang ba sgo 'byed las/ dang po nyid nas dam tshig ma thob pa thob par byed pa mngon par dbang bskur ba bshad pa ma yin nam zhe na yin mod/ des de ltar bstan pa mtha' gcig tu nges pa ma yin te/ dam tshig ma thob pa thob par byed pa la dbang gi mngon par rtogs pa brgyad dang ldan pa'i sgo nas rdul tshon gyi dkyil 'khor du smin byed kyi dbang bskur ba tshul bzhin du bsgrub dgos pa yin la/ dbang bskur zhu ba po'i slob ma de la'ang