[A:48b]rigs legs par brtags te skal ldan cig car ba'i rigs can yin na thun mong ba'i lam gyis bkri ba la ma ltos par dang po nyid nas dbang bskur te lta ba la sogs pa bstan pas chog pa yin yang / skabs 'dir gang zag skal dman rim 'jug pa bkri tshul gyi rnam gzhag gtso che bas/ de'i lugs la dbang gi sngon du thun mong ba'i lam gyis nges par bkri dgos par dbang gi chu bo chen mo bklags pa tsam gyis kyang go bar nus pas/ snang ba gsum gyi khrid kyang gzhan don du slob ma rjes su bzung ba'i sa khongs su bsdus nas dbang gi sngon 'gror bzhed pa yin gyi/ smin grol gnyis kyis phye ba'i phyi ma'i khongs su 'dren par mi mdzad par mchis lags/ gal te de ltar mi bzhed par dngos bstan sgra ji bzhin pa de las gzhan ci yang bshad du med na snang ba gsum gyi khrid gang du ston gyi gsal kha ci yang med pas gsang ba sgo 'byed khas len pa dag gi lugs la snang ba gsum gyi khrid gtan nas ston mi dgos par thal ba'i skyon du 'gyur ba ma lags sam zhes pa dang / gzhan yang snang ba gsum gyi khrid thog mar bstan nas/ de nas dbang dang dam tshig sogs ston par gsungs pa'i khrid rim de gong ma'i gsung mang po zhig gis sgrub par mdzad rjes su/ rje btsun gong ma'i phyag len ma 'chugs pa rnams la bkri tshul de 'dra ba zhig yod par snang yang / bar skabs su gdul bya la ltos nas dbang bskur dang po nas thob zin pa la khrid dmigs rnams phyi nas ston pa'i phyag len sgo yang phyogs nas ston pa du ma zhig byung bar snang zhing / 'chad tshul de la snang ba gsum