[A:49a]gyi khrid ma bstan yang rung mod/ 'on kyang nges 'byung gi bsam pa bskul ba sogs dgos byed khyad par can du ma gzigs nas snang ba gsum yang khrid kyi kha tshang ba'i phyir ston par mdzad pa yin gyi/ gzhung gi babs la go rim de 'dra zhig nges par dgos par bzhed pa ma yin pa 'dra lags zhes sogs dang / mdor na gzhung shing gi babs la dang por snang ba gsum bstan nas dbang bskur te grol byed kyi lam rnams rim gyis ston pa dang / gdul bya la ltos nas ci rigs par ston du rung ba'i khyad par so sor shes na log rtog kho nas dus 'da' mi dgos shing / thub pa'i bstan pa gces par 'dzin pa'i gang zag dam pa rnams la ngan smras 'ba' zhig byed pa'i sdig pa'i khur chen pos mi non par mchis lags zhes gsungs shing / bdag gi bla ma mkhan chen thams cad mkhyen pa ngag dbang chos kyi grags pa'i gsung las/ snang gsum khrid kyi skyabs 'gro'i dmigs pa'i skabs/ /bla ma bla ma'i rnam pa'am gang du bsgom/ /'ga' zhig rdo rje 'chang du bsgom zhes pa/ /phar phyin lam gyi snying por 'di 'thad dam/ /zhes pa'i dri ba mdzad nas/ de ltar 'dri dgos pa'i rgyu mtshan du/ rdzong phyogs pa dag snang gsum khrid kyi skyabs 'gro la bla ma rdo rje 'chang du bsgom pa chos rje bla ma dam pa'i khrid yig sbas don gsal bar de bzhin bshad pa la brten pa yin la/ de'i rgyu mtshan yang sngon la dbang bskur nas de'i rjes su snang gsum gyi khrid ston pas na skyabs 'gro'i skabs su bla ma rdo rje 'chang kye rdor du bsgom pa gzhir bzhag la/ de nyid