[A:124]gsan pa la brten nas/ dpon po dor ta zhes bya ba la gser yig pa btang nas/ bod kyi yul na sa skya pa zhes bya ba'i bande bzang po cig yod par 'dug pas/ de khyod kyis gdan drangs la nged kyi rtsar sleb tu chug gsungs pa'i don la/ dpon po dor ta kho rang bla ma chos rje pa la mjal nas/ rgyal bu go dan gyi lung bsgrags pas/ rje btsun chen po'i gsung dran pa'i stobs kyis dges shing spro ba dang bcas pas zhal gyis bzhes nas/ shing pho 'brug gi lo dgung lo drug cu rtsa gsum bzhes pa la sa skya nas khu dbon gsum gdan bteg nas byon pa las/ lam so na yod pa'i dge ba'i bshes gnyen rnams dang / skal ba dang ldan pa'i gdul bya mang pos dbang byin rlabs dang / rgyud 'grel man ngag dang bcas pa la sogs pa dad pa chen po'i sgo nas zhu ba rnams la chos kyi 'khor lo bskor zhing byon pa'i dbang gis lam du lo gsum 'gor ro/ /de'i tshe dge ba'i bshes gnyen bka' gdams pa nam mkha' 'bum gyis/ hor 'di la khyed kyis byon pas phan pa'i rgyu mtshan bdog gam zer ba la hor 'dis nged la cis kyang mchod gnas la shog mi 'ong na dmag 'ong zer bas/ dmag byung na bod la gnod kyis dogs nas 'gro ba lags/ sems can la phan du re nas 'gro ba ma gtogs pa phan nges pa'i rgyu mtshan ma mchis/ lar sems can la phan na rang gi lus srog gtong ba la yang mi phod mi bdog ba tsam shes pa gda' gsungs/ 'bro gsang du phebs pa'i tshe/ mi cig gis dar nag po gcig la gser gyi thig le mang po byas pa cig phyag rten la phul/ de lha rje bi ji la gnang nas khyod rang tshags gyis/ nam mkha' dwangs pa la skar ma bkra ba lta bu'i bstan pa cig 'o cag la 'ong ba yin gsungs/ sa skya pas ring bsrel bkag zer ba yod pa la/ de yang / ring bsrel phal cher gdon las byung / /