[A:332]yid tshim par mdzad do/ /bstod dbyangs rgya mtsho la sogs bstod pa'i skor du ma dang / bkra shis rgya mtsho la sogs pa bkra shis kyi rab tu byed pa du ma mdzad cing / bka' dang bstan bcos du ma'i 'grel pa tshul mi 'dra ba du ma dang / khyad par du gsang ba 'dus pa dang / dus kyi 'khor lo dang / 'khor lo sdom pa dang / kye rdo rje la sogs pa rgyud sde du ma de dag so so'i dkyil 'khor gyi cho ga dang / sgrub pa'i thabs du ma dang / 'grel pa dang / phyag len gyi rim pa dang / man ngag sna tshogs pa'i yi ge mdzad do/ /de ltar bdag nyid chen po 'dis/ sgrub thabs dang bstan bcos la sogs pa dpag tu med pa mdzad cing / sangs rgyas kyi bstan pa shin tu gsal bar mdzad nas sems can gyi don dpag tu med pa mdzad pa yin te/ 'dir yi ge mangs pas ma bris/ rgyas par shes par 'dod na de nyid kyis mdzad pa'i dkar chag dang bka' 'bum du blta bar bya'o/ /de ltar skyes bu dam pa 'di ni mngon par shes pa rgya chen po mnga' bas bstan bcos rtsom pa dang / sems can gyi don mdzad pa la thogs chags med pa yin no/ /'ga' zhig gis blo la mngon par shes pa yod par cis mngon snyam du rtog na/ rgya gar gyi paNDi ta go tambha dra la mtshan mo rmi lam ji ltar byung ba thams cad bdag nyid chen po 'dis mngon par shes pas mkhyen nas nang par paNDi ta la gsung byon pa'i tshe/ paNDi ta shin tu ngo mtshar bar gyur nas/ ma hA gu ru la mngon par shes pa a tshi zhes zer zhing shin tu dad par gyur te/ de dag la sogs pa rgyu mtshan du ma'i sgo nas mngon par shes pa rgya chen po mnga' ba skye bo dpyod pa dang ldan pa thams cad la mngon sum du gyur pa yin no/ /de nas bdag nyid chen po 'di sku tshe de nyid kyi gdul bya thams cad smin cing grol bar rang gi mngon par shes pas mkhyen cing / sku'i bkod pa gzhan gyis sems can gyi don rgya chen po mdzad pa'i dus la babs par gzigs nas slob dpon chen po dharmA pa la