[A:353]seng ba bsod nams 'phel la zla ba gcig /bsam ldings su mkhan po don grub 'od las don zhags la sogs zla ba gcig zhus/ sgom pa'ang byas mod kyi nyan pa kho na dang / bya bral zang ma'i skabs so/ /zhe gcig par phyin nas rang gi tshe'i ci thub ri khrod kho na 'grim snyam/ sngar yang sgom chos kho na zhus kyang lam 'bras de ma thob/ zhu bar 'dod nas dris pas gye re na bla ma sgang ston bya ba/ spyir sa skya pa'i dge bshes sgos su bla ma nyi thog pa dang / rin po che tshogs pa'i bu rgan lam 'bras bdag por yod zer ba thos nas sos ka cig phyin nas zhus pas/ cha rkyen tsam med kyang gsung gleng byas pas/ go bar 'dug gi gsungs nas mnyes te/ zla ba gcig la dbang byin rlabs khrid dang bshad pa rdzogs pa/ bdag gi zhor la dge bshes gzhan 'dra dang sum cu tsam gyis thob pa byas/ khrid chig khrid las ma byung / der khong gi dbyar sdod/ chos dang brgyags gang dgos bya gsungs kyang dkor la 'dzem pas lung stong cig tu phyin pas/ bla ma'i gsung la ma nyan pa'i nyes pas dge sbyor ma 'phel ston drung du 'gro snyam tsa na sku gshegs/ de'i phyi lo mkhan po sreg shing pa la tshar gcig zhus/ des kyang spros pa cung ma chod/ bla ma nyan po pa'i snyan pa sngar nas thos te/ 'byor pa med pa dang thag ring bas blo bsad/ dus phyis yul phyogs dang 'brel pa blos dor ba'i sgrub pa cig byed dgos/ pha ni btsun pa byas nas lo gsum na shi /ma dang chung bdag 'dra bskyang dgos yod de blos btang la/ gcig pur sprang 'khyam la 'gro snyam pa zhe la yod/ kha ru yang dam dum re shor ba yin par 'dug de'i tshe slob dpon tshe 'di blos btang byed na nga yang yang khrid/ nga yang thams cad blos btang zer ba bcu lhag cig byung / ma mtha' yang yul phyogs dang 'brel pa spros pa chod dam byas pas chod zer/ de nas je nyung la song / chod ngo shes par nga rang dang lnga byung / bla ma nyan po pa'i drung du lo gsum/ de nas lo