[A:66]ཡེ་ཤེས་སྣང་བ་ཡིས༎
མུན་པའི་ཀློང་ཆེན་སྐད་ཅིག་བསལ༎
ཞེས་ལྷ་ལུང་དཔལ་གྱི་རྡོ་རྗེས་གླང་དར་བསྒྲལ་ཚུལ།
ཐུབ་པའི་བླ་མ་འཇམ་པའི་དབྱངས༎
སྙིགས་མ་ལྔ་ལ་བརྩེར་དགོངས་ནས༎
ཉི་མའི་གཉེན་གྱི་གདུང་འཛིན་པའི༎
ཡེ་ཤེས་འོད་ཅེས་བྱ་བ་འཁྲུངས༎
ལྟ་ངན་བོན་གྱི་གཞུང་ལུགས་དང༎
སྦྱོར་སྒྲོལ་ཆོས་སུ་སྒྲོག་པའི་ངག༎
སྐལ་དམན་མུ་སྟེགས་གཞོགས་འཕྱ་བའི༎
སྤྱོད་པའི་ལམ་ངན་དེངས་པར་མཛད༎
ཅེས་བསྟན་པ་ཕྱི་དར་གྱི་དབུ་བརྩམས་ཚུལ།
དེ་ནས་མངའ་རིས་ཀུན་དའི་གཉེན༎
ལོ་ཆེན་སྒྲིབ་བྲལ་ཟླ་བ་དང༎
བྱང་ཕྱོགས་པད་ཚལ་འབྱེད་པའི་ལྷ༎
བློ་ལྡན་སྨྲ་བའི་ཉི་མ་བལྟམས༎
ཞེས་ལོ་ཆེན་རིན་བཟང་དང། རྔོག་བློ་ལྡན་ཤེས་རབ་བྱོན་ཚུལ།
དུས་དེར་འཆད་རྩོད་རྩོམ་པ་དང༎
ཐུབ་བསྟན་རིན་ཆེན་འཛིན་པའི་ཕུལ༎
འཇིག་རྟེན་མིག་གྱུར་ལོ་ཙ་བས༎
ཁ་བ་ཅན་ལྗོངས་ཡོངས་སུ་ཁྱབ༎
ཅེས་འབྲོག། འགོས། མར་པ་ལོ་ཙ་སོགས་བསྟན་འཛིན་གྱི་སྐྱེས་བུ་དཔག་མེད་བྱོན་ཚུལ།
དུས་འདིར་ངེས་པར་མིའི་དབང་པོ༎
ཚངས་པ་བཞིན་དུ་དགེ་བ་དང༎
དཔལ་དང་འབྱོར་པ་ཕུན་སུམ་ཚོགས༎
བཀྲ་ཤིས་དཔལ་གྱི་མགོན་པོ་དེས༎
ཅེས་སྦྱིན་བདག་གི་ངེས་གནས་ཀྱི་ཚུལ།
ས་སྟེངས་འདི་ན་འགྲན་མེད་ཅིང༎
སྐྱ་རེངས་བུ་ལྟར་གྲགས་པའི་ཏོག༎
སྲིད་རྩེའི་བར་དུ་བསྒྲེང་མཁས་པའི༎
བསྟན་པའི་རིང་ལུགས་ཉེ་བར་བཟུང༎
ཞེས་ས་སྐྱ་པའི་བསྟན་པའི་སྦྱིན་གནས་མཆོག་ཏུ་བཞུགས་ཚུལ།
དཔལ་ལྡན་ས་སྐྱའི་རིག་འཛིན་དབང༎
ཀུན་དགའི་ཆོས་ཀྱི་འཁོར་ལོ་བསྒྱུར༎
བླ་ན་མེད་པའི་དོན་སྩོལ་བ༎
འདོད་དགུའི་དཔག་བསམ་བཟང་པོ་རྙེད༎
ཅེས་ཁྱད་པར་དེ་དུས་རྡོ་རྗེ་འཆང་སྤྱན་དྲངས་པའི་སྐབས་མཚོན་ཚུལ་རྣམས་ཚིག་ཉུང་ཞིང་དོན་མང་བ། སྡེབས་ལེགས་པའི་ལེགས་པར་བཤད་པས་ཐུགས་མཆོག་