[A:༧༢ན]ཉག་གི་རྒྱལ་པོ་ཅིག་ཏུ་སྐྱེས། རྒྱལ་པོ་དེས་ངའི་ཁང་པའི་སྟེང་དུ་མཁར་ལས་བྱས་ནས། མི་ཉག་གི་རྒྱལ་པོ་དེས་བནྡེ་རྣམས་ལ་ང་མཁར་ལས་བྱེད་པས་ས་གཞི་སློང་ཟེར། བནྡེ་རྣམས་དབྱངས་འདྲ་བྱེད་པ་དང་། རོལ་མོ་འདྲ་འཁྲོལ་བ་དང་། གཏོར་མ་འདྲ་གཏོང་གིན་འདུག་སྟེ། ས་ཆོག་མི་ཤེས་པར་འདུག་པས་ས་གཞི་མ་བྱིན། དེར་རྒྱལ་པོས་མཁར་ལས་བྱས་པས་ངེད་དཔོན་གཡོག་རིས་ནོན་པ་བཞིན་སོང་། དེ་ནས་མིའི་བསོད་ནམས་མ་ཐུབ་པར་བྱང་ངོས་འདིར་འོངས་ནས་ཡུལ་ལེགས་པར་བཟུང་། དེར་ཡང་རྒྱལ་པོ་དེ་འོངས་ནས་ངེད་ཀྱི་སྟེང་དུ་མེ་བཏང་། ས་བརྐོས། གཞན་ཡང་གནོད་པ་མང་དུ་བྱས། དེར་ཡང་སྡོད་ས་མ་བྱུང་། དེ་ནས་ངའི་དཔོན་པོ་དེ་ཁྲོས་ནས་ཡུལ་ཕྱོགས་ཀྱི་ལྷ་འདྲེ་ཐམས་ཅད་བསྡུས་ནས། རྒྱལ་པོ་འདིས་ངའི་ཡུལ་ལན་གཉིས་ཕྱུང་བས། ད་འདི་ལ་གནོད་པ་ཅིག་བྱེད་པས་ཁྱེད་རྣམས་ཀྱིས་གྲོགས་གྱིས་བྱས་པས། ལྷ་འདྲེ་རྣམས་ན་རེ། རྒྱལ་པོ་འདིས་ཤཱཀྱ་མུ་ནེ་ལ་བསོད་ནམས་བསགས་པ་ཡིན་པས་འདིའི་སྟོབས་མི་ཐུབ་ཀྱིས་ཁྱོད་སྐམ་སར་མ་སྡོད་པར་ཆུ་མིག་དང་འདམ་རྫབ་ཡོད་སར་ཡུལ་བཟུང་ཟེར་ནས་དེར་བསྡད་པའི་དུས་སུ། རྒྱལ་པོ་དེས་རྒྱལ་པོ་སྔ་མ་ཀུན་གྱི་བནྡེ་རྣམས་ལ་རྒྱུགས་བྱིན་པའི་ཡི་གེ་བལྟས་པས། སྔར་གྱི་རྒྱུགས་ཆེས་ཟེར་ནས་ཕྲི། དེའི་ཚེ་ཤཱཀྱ་མུ་ནེ་འདི་གསེར་ཡིན་ནམ། ཤིང་ཡིན་ནམ། རྡོ་ཡིན་བལྟ་ཟེར་ནས་ཞབས་ལ་གཟོང་གིས་བརྐོས་པ་དང་། དེ་ནས་ལྷ་འདྲེ་རྣམས་ན་རེ། ད་འདིའི་བསོད་ནམས་ཀྱི་ཆ་ཉམས་པས་བར་ཆད་བྱ་བའི་དུས་ལ་བབས་ཟེར་ནས་ལྷ་འདྲེ་རྣམས་འཚོགས་པ་དང་། འདི་