[A:༧༥ན]བསྡུས་པ་གོ་རྟོགས་དང་། བསྒོམ་བྱུང་གིས་བསྡུས་པ་རྣམ་རྟོག་གི་རྦ་རླབས་མ་ཡལ་བཞིན་དུ་ཟུང་འཇུག་གི་ཉམས་སྤན་སྤུན་སྐྱེས་པ་ཡིན། འབའ་ཞིག་པ་ནི་གནས་པ་འབའ་ཞིག་པ་དང་། སོ་སོར་རྟོག་པ་འབའ་ཞིག་ཏུ་གྱུར་པ་དང་། སྣང་ཕྱོགས་འབའ་ཞིག་ཏུ་གྱུར་པ་དང་། སྟོང་ཕྱོགས་འབའ་ཞིག་ཏུ་གྱུར་པ་དང་། ལུས་ལ་བདེ་དྲོད་དང་། འཕར་གཡོ་དང་། ངག་ལ་ངེས་མེད་ཀྱི་སྨྲ་བརྗོད་དང་། སེམས་ལ་ངེས་པ་མེད་པའི་ཏིང་ངེ་འཛིན་གྱི་ཉམས་སྣང་སྣ་ཚོགས་པ་སྟེ་སྒོ་གསུམ་གྱི་ཉམས་འབའ་ཞིག་ཏུ་གྱུར་པ་དང་། བརྒྱལ་བ་དང་ཚོགས་དྲུག་འགགས་པ་ལ་སོགས་པའི་ཉི་ཚེ་བ་འབའ་ཞིག་ཏུ་གྱུར་པ་རྣམས་ཡིན། ས་ལམ་བགྲོད་ཚུལ་ནི། བྱང་ཆུབ་ཏུ་གཉེར་བའི་སྨིན་བྱེད་དབང་བསྐུར་ནས་བརྩམས་ཏེ་ཉམས་སྐྱོན་ཅན་རྣམས་རྫོགས་པ་ཡན་ཆད་ཐེག་པ་ཐུན་མོང་བ་ལྟར་ན་ཚོགས་ལམ་ཞེས་བྱ་བ་ཡིན། བརྟག་གཉིས་ལས། ཀུན་མཁྱེན་ཡེ་ཤེས་དེ་ལྟ་བུ། །ཞེས་གསུངས་པ་ལྟར། བདེ་སྟོང་ཟུང་འཇུག་གི་ཡེ་ཤེས་མཚན་ཉིད་པ་རྒྱུད་ལ་སྐྱེས་ཤིང་རྣམ་པར་མི་རྟོག་པའི་ཉམས་རྒྱུན་ཆགས་སུ་འབྱུང་ཡང་། རྣམ་པར་རྟོག་པའི་བག་ཆགས་ཕྲ་མོ་དང་བཅས་པ་ནམ་ལངས་པ་ལ་ཉི་མ་ཤར་བ་ལྟ་བུས་དཔེའི་ཡེ་ཤེས་རྒྱུད་ལ་སྐྱེས་པ་ནི་སྦྱོར་བའི་ལམ་ཞེས་བྱ་བ་ཡིན་ཏེ། མཚན་བརྗོད་ལས། རྣམ་པར་ཤེས་པའི་ཆོས་ཉིད་འདས། །ཡེ་ཤེས་གཉིས་མེད་ཚུལ་འཆང་བ། །རྣམ་པར་རྟོག་མེད་ལྷུན་གྱིས་གྲུབ། །ཅེས་གསུངས་པ་ལྟར། རྣམ་པ་ཀུན་གྱི་མཆོག་དང་ལྡན་པའི་སྟོང་ཉིད་མངོན་སུམ་དུ་རྟོགས་པ་རྣམ་པར་མི་རྟོག་པའི་ཡེ་ཤེས་མཚན་ཉིད་པ་ཕྱག་རྒྱ་ཆེན་པོ་དོན་གྱི་ཡེ་