[A:75a]bsdus pa go rtogs dang / bsgom byung gis bsdus pa rnam rtog gi rba rlabs ma yal bzhin du zung 'jug gi nyams span spun skyes pa yin/ 'ba' zhig pa ni gnas pa 'ba' zhig pa dang / so sor rtog pa 'ba' zhig tu gyur pa dang / snang phyogs 'ba' zhig tu gyur pa dang / stong phyogs 'ba' zhig tu gyur pa dang / lus la bde drod dang / 'phar g.yo dang / ngag la nges med kyi smra brjod dang / sems la nges pa med pa'i ting nge 'dzin gyi nyams snang sna tshogs pa ste sgo gsum gyi nyams 'ba' zhig tu gyur pa dang / brgyal ba dang tshogs drug 'gags pa la sogs pa'i nyi tshe ba 'ba' zhig tu gyur pa rnams yin/ sa lam bgrod tshul ni/ byang chub tu gnyer ba'i smin byed dbang bskur nas brtsams te nyams skyon can rnams rdzogs pa yan chad theg pa thun mong ba ltar na tshogs lam zhes bya ba yin/ brtag gnyis las/ kun mkhyen ye shes de lta bu/ /zhes gsungs pa ltar/ bde stong zung 'jug gi ye shes mtshan nyid pa rgyud la skyes shing rnam par mi rtog pa'i nyams rgyun chags su 'byung yang / rnam par rtog pa'i bag chags phra mo dang bcas pa nam langs pa la nyi ma shar ba lta bus dpe'i ye shes rgyud la skyes pa ni sbyor ba'i lam zhes bya ba yin te/ mtshan brjod las/ rnam par shes pa'i chos nyid 'das/ /ye shes gnyis med tshul 'chang ba/ /rnam par rtog med lhun gyis grub/ /ces gsungs pa ltar/ rnam pa kun gyi mchog dang ldan pa'i stong nyid mngon sum du rtogs pa rnam par mi rtog pa'i ye shes mtshan nyid pa phyag rgya chen po don gyi ye