[A:༧༧ན]ཞིག་སྤྲུལ་ཐུབ་པ་དང་། རྒྱལ་པོའི་ལུང་གིས་ཆོས་རྗེ་ཉིད་ལ། ཁྱོད་ངས་མཆོད་གནས་ལ་བོས་པ་མཁས་པར་འདུག་ཅིང་། ཡོན་ཏན་ཡ་མཚན་ཅན་མང་པོ་མཐོང་བས་སྤྲོ་བར་གྱུར། ད་ནི་གནས་དབེན་པ་ཞིག་ན་དགོན་པ་ཕུན་སུམ་ཚོགས་པ་ཞིག་ཡོད་པས་ཁྱོད་ལ་སྟེར་བས་དེར་འགྲོ་གསུངས་ནས། བདག་ཉིད་ཆེན་པོ་དཔོན་སློབ་རྣམས་དང་། རྒྱལ་པོ་འཁོར་དང་བཅས་པས་ཀྱང་བྱོན། དེའི་ཚེ་ཆོས་རྗེ་ཉིད་ཀྱིས་ཕྱོགས་དེ་གཟིགས་མ་ཐག་ནས་སྒྱུ་མ་སྤྲུལ་པ་ཡིན་པར་མངོན་པར་མཁྱེན་པས་དགོངས་ཏེ། སྒོ་སྲུང་འཇིགས་སུ་རུང་བ་མང་པོ་འདུག་པ་དེ་རྣམས་ལ་བཀའ་བསྒོ་དང་། གནས་བརྟན་གཞན་རྣམས་ལ་རབ་གནས་ཀྱི་མེ་ཏོག་འཐོར་བ་མཛད་པས། སྒྱུ་མ་བཤིག་མ་ཐུབ་པར་དུས་ད་ལྟ་ཡང་མངོན་སུམ་དུ་ཡོད་ཅིང་། སྤྲུལ་པ་སྡེ་ཞེས་བྱ་བར་མིང་ཡང་གྲགས་པ་ཡིན་ནོ། །དེ་ལྟར་ངོ་མཚར་བའི་མཛད་པ་དུ་མའི་སྒོ་ནས་རྒྱའི་ཡུལ་དུ་བསྟན་པ་དར་རྒྱས་ཕུལ་དུ་ཕྱིན་པ་མཛད་ནས། དེ་ནས་ཆོས་རྗེ་ཉིད་བོད་དུ་འབྱོན་པ་བས་བྱང་ངོས་སུ་བཞུགས་ན་སངས་རྒྱས་ཀྱི་བསྟན་པ་ལ་ཕན་ཆེ་བར་གཟིགས་ནས་གནས་དེ་ཉིད་དུ་ཐུགས་ཕབ། བོད་ཀྱི་གྲྭ་སློབ་རྣམས་ལ་གནང་སྦྱིན་དང་འབུལ་བ་མང་པོ་བསྐུར། ཆོས་ཀྱི་སྐྱེས་སུ་བྱང་ཆུབ་སེམས་དཔའི་ལམ་ལ་འཇུག་པའི་རིམ་པ་ཐུབ་པའི་དགོངས་པ་གསལ་བ་ཞེས་བྱ་བ་བསྐུར་ནས་ཚོགས་ཆོས་འདི་དབུས་གཙང་ཁམས་གསུམ་དུ་བཤད་པ་ཡིན་པས། ངའི་སློབ་མ་ཐམས་ཅད་ཀྱིས་ལུང་ཐོབ་པ་ཡིན་པས་ཡི་གེ་འདི་ལ་ལྟོས་ལ་ཤོད། འདི་བཞིན་དུ་ཉམས་སུ་ལོང་གསུངས་པའི་གསུང་འཕྲིན་དང་བཅས་བུ་སློབ་རྣམས་ལ་བཀའ་ཤོག་