[A:77a]zhig sprul thub pa dang / rgyal po'i lung gis chos rje nyid la/ khyod ngas mchod gnas la bos pa mkhas par 'dug cing / yon tan ya mtshan can mang po mthong bas spro bar gyur/ da ni gnas dben pa zhig na dgon pa phun sum tshogs pa zhig yod pas khyod la ster bas der 'gro gsungs nas/ bdag nyid chen po dpon slob rnams dang / rgyal po 'khor dang bcas pas kyang byon/ de'i tshe chos rje nyid kyis phyogs de gzigs ma thag nas sgyu ma sprul pa yin par mngon par mkhyen pas dgongs te/ sgo srung 'jigs su rung ba mang po 'dug pa de rnams la bka' bsgo dang / gnas brtan gzhan rnams la rab gnas kyi me tog 'thor ba mdzad pas/ sgyu ma bshig ma thub par dus da lta yang mngon sum du yod cing / sprul pa sde zhes bya bar ming yang grags pa yin no/ /de ltar ngo mtshar ba'i mdzad pa du ma'i sgo nas rgya'i yul du bstan pa dar rgyas phul du phyin pa mdzad nas/ de nas chos rje nyid bod du 'byon pa bas byang ngos su bzhugs na sangs rgyas kyi bstan pa la phan che bar gzigs nas gnas de nyid du thugs phab/ bod kyi grwa slob rnams la gnang sbyin dang 'bul ba mang po bskur/ chos kyi skyes su byang chub sems dpa'i lam la 'jug pa'i rim pa thub pa'i dgongs pa gsal ba zhes bya ba bskur nas tshogs chos 'di dbus gtsang khams gsum du bshad pa yin pas/ nga'i slob ma thams cad kyis lung thob pa yin pas yi ge 'di la ltos la shod/ 'di bzhin du nyams su long gsungs pa'i gsung 'phrin dang bcas bu slob rnams la bka' shog