[A:༨༢ན]ནུ་ལ་རྩོམ་པ་དང་། འཆད་པ་མང་པོ་མཛད། མངོན་པར་ཤེས་པས་འཇིག་རྟེན་ཐམས་ཅད་གཟིགས་ནས། འཁོར་དད་ལྡན་འབུམ་ཕྲག་དུ་མ་གྲོལ་བར་བྱས་ནས། དེའི་དུས་སུ་ངས་དབང་བསྐུར་བ་དང་ཆོས་འབྲེལ་བྱས་པ་ཙམ་ཐམས་ཅད་ངའི་འཁོར་དུ་འོང་བར་འདུག་གསུངས་པའི་ཚིག་ཀྱང་ཡོད། སྐུ་ཚེའི་ཚད་ཀྱང་ཡོད་པ་བརྗེད་ཟིན། དེ་ནས་སྐུ་ཚེ་འཕོས་ནས་སངས་རྒྱས་དྲི་མ་མེད་པའི་དཔལ་ཞེས་བྱ་བར་སྐུ་སྐྱེ་བ་བཞེས་ནས་སེམས་ཅན་གྱི་དོན་མཛད་པར་འདུག་གསུངས། རྗེ་བཙུན་པས་བིརྺ་པ་ལ་དེ་ལྟར་ལགས་སམ་གསུངས། སློབ་དཔོན་གྱིས་དེ་ཡིན་གསུངས། ནག་པོ་པས་ཀྱང་དེ་ཡིན་གསུངས་ནས་མཐུན་འགྱུར་མཛད། དེ་ནས་བདག་ལ་ཚོགས་ཀྱི་མཆོད་པ་ཤོམས་ཤིག་གསུངས་ནས་བཤམ་མོ། །དེ་ནས་ཟབ་མོའི་ལམ་ལ་ནན་ཏན་དུ་མཛད་པའི་སྟོབས་ཀྱིས་གསང་བའི་གནས་བལྟར་མི་མངོན་པ་དང་། དབུའི་གཙུག་ཏོར་གསལ་པོར་འཕགས་པ་དང་། སྨིན་མཚམས་ཀྱི་མཛོད་སྤུ་དུང་ལྟར་འཁྱིལ་བ་ལ་སོགས་པའི་སྐུ་ཡོན་ཏན་དང་ལྡན་པར་གྱུར་ཏོ། །ཟླ་བ་བཅུ་གཅིག་པའི་ཡར་ཚེས་བདུན་ལ་སྤྲུལ་པའི་ལྷ་ཁང་ན་འཚོགས་ཚད་ཀྱིས་ཐོས་པའི་སྒྲ་སྣ་ཚོགས་པའི་རོལ་མོ་གྲག ཁོ་བོས་རྒྱུ་མཚན་ཅི་ལགས་ཞུས་པས། ཁྱེད་ཐམས་ཅད་གསོལ་བ་འདེབས་པ་ལ་བརྩོན་པར་གྱིས་གསུངས། ལམ་ཕ་རོལ་ཏུ་ཕྱིན་པའི་ལུགས་ལ་མགོ་དང་རྐང་ལག་བདོག་པ་ཐམས་ཅད་བཏང་བས་ཀྱང་། དབང་བསྐུར་བ་མཆོག་ཐོབ་པའི་བླ་མ་ལ་མོས་གུས་དང་ཞབས་ཏོག་སྐད་ཅིག་ཙམ་བྱས་པ་བསོད་ནམས་ཆེ་གསུངས། ཡོད་ཚད་བླ་མ་རང་ལ་ཕུལ་བས་དེའི་དུས་བདག་ལ་