[A:66a]ba dang / kha don du byed pa de dag gi rgyud la mdzad pa po'i ye shes gzigs pa'i dam pa 'jug par gyur cig ces dge slong 'phags pas smras so zhes bya ba legs par bkod do/ /
gnyis pa byang phyogs hor gyi yul du bstan pa'i bya ba ji ltar mdzad pa'i tshul ni/ bod kyi yul 'dir bdag nyid chen pos thub pa'i bstan pa la mdzad pa rgya che ba grub pa'i skabs su/ hor zhes bya ba'i skye bo gdug pa can blang dor gyi gnas la dud 'gro bas rmongs shing / snying rje ni las kyi gshin rje bas kyang chung / lus kyi rtsal ni gnod sbyin bas kyang che/ lha ma yin gyi dpung tshogs ltar grangs mang zhing 'jigs su rung ba zhig gis thog mar rgya'i yul dang / de nas mi nyag gi yul la sogs pa byang phyogs kyi rgyud mtha' dag bdag gir bzung nas/ khyim pa dang rab tu byung ba'i rnam dbye med par thams cad dmag khral las gsum gyi khyur bcug nas/ bstan pa'i ming tsam yang med par byas te rang gzhan thams cad phung bar 'gyur bar gzigs te/ de dag la bzod glags med pa'i snying rjes hor rnams kyi sems chos kyi lam la drangs te 'dul ba'i smon lam btab pa dus la babs par gzigs shing / nyid kyi mkhan po paN chen shAkya shrI singga la'i gling du byon pa na/ de la lha gnam the'u dkar pos hor gyi yul du 'byon par zhus pa na/ sgrol ma la gsol ba btab pas khyod kyis phyin kyang phan pa med/ khyod kyi slob ma zhig bod na yod des phyin na phan par 'gyur bas lung ston cig gsungs te paN chen gyis de ltar lung bstan cing / yang bla ma rje btsun chen pos