[A:9a]brnyes/ chos skyong dkar mo nyi zla dang bdud mgon la mdzad pas nus pa thon pa sha stag go zhes pa de rnams kyis dri med 'khon gyi gdung rabs byon tshul bstan zin to/ /'dir smras pa/ ma rig la 'khon 'khon ston mthu rtsal can/ /rim bzhin legs byon byon tshul 'di mthong na/ /gdung brgyud brgyud pa rin chen phreng ba 'di/ /ngo mtshar mtshar ba'i yul du cis mi rtogs/ /bar skabs kyi tshigs su bcad pa'o// //
spyi don gsum pa lha rigs 'khon sa skya pa'i gdung rabs bshad pa la yang tshigs bcad kyi sgo nas mdor bstan pa dang / de'i don rgyas par bshad pa gnyis las/ dang po ni/ sa skya pa'i gdung rabs ya rabs kha rgyan las/ 'khon rog shes rab tshul khrims sku mched gnyis byon pa'i/ gcen po yan chad gsang sngags snga 'gyur mdzad pa'i tshul bshad pa'i rjes de ma thag par/ gcung gis gsar 'gyur srol bskyangs sa skya btab/ /de dang zhang mo bsod nams skyid kyi sras/ /sa skya'i bla chen kun dga' snying por grags/ /bla chen de yi btsun mo tsha rong ma/ /jo lcam phur mo'i sras ni kun dga' 'bar/ /btsun mo gnyis pa jo lcam 'od sgron sras/ /slob dpon rtse mo rje btsun grags pa dang / /dpal chen 'od po zhes bya rnam gsum yin/ /dpal chen 'od po'i btsun mo gar phu ma/ /nyi khri lcam la sa skya paN chen dang / /zangs tsha bsod nams rgyal mtshan rnam gnyis 'khrungs/ /zangs tsha'i btsun mo mdog stod tsha sna ma/ /ma gcig kun skyid sras po 'phags pa dang / /'gro mgon phyag na rdo rje mched gnyis