[A:9b]byon/ /btsun mo gnyis pa sa skya'i chu mdo ma/ /jo 'bro'i sras po slob dpon rin rgyal te/ /gsum pa ma gcig rdo rje ldan gyi sras/ /slob dpon chen po ye shes 'byung gnas so/ /phyag na'i btsun mo ma gcig zhwa lu ma/ /mkha' 'gro 'bum sras dharma pA la yin/ /dharma pA la'i btsun mo stag 'bum sras/ /ratna bha dra gzhon nu'i dus su gshegs/ /ye 'byung btsun mo ma gcig khab smad ma/ /chos srin skyid la bdag nyid chen po 'khrungs/ /zhes so/ /gnyis pa de'i don rgyas par bshad pa la/ 'khon rog shes rab tshul khrims kyi gcung po dkon mchog rgyal po ni 'khon sa skya pa zhes grags pa'i thog ma rang yin te/ shing pho khyi la sku 'khrungs/ gzhon nu nas yab dang gcen la dbang bshad man ngag mang du gsan/ yab mes kyi chos la mkhas par sbyangs/ gsang sngags gsar 'gyur la yang mos pa yod pa'i skabs su 'bro'i lung ston chen mo cig byung sar byon pas/ ltad mo sna tshogs 'dug pa'i nang nas sngags pa mang pos dbang phyug ma nyi shu rtsa brgyad kyi mgo brnyan gyon/ phyag mtshan so sor khyer/ ma mo ral pa can gyis rnga stabs dang bcas nas 'chams kyin 'dug pas/ ltad mo yang de kha che/ khrom thog kyang des chod song / de'i rgyu mtshan rnams gcen la zhus pas/ da gsang sngags 'chol par spyod pa zhes bya ba'i dus byung bas/ da phyin chad rnying ma ba la grub thob mtshan nyid pa dkon pa yin pas/ rang la yod pa rnams rang nyid dbang che ba yin pas nga rang gi dpe cha rten gsum rnams gter du sbed gsungs nas sbas pas/ yang phur gnyis chos