[A:8b]bskyangs shing / de la sras gsum byung ba'i bar pa brdal chang tshang du byon/ che ba gtsug tor shes rab dang / chung ba g.ya' lung du bzhugs/ gtsug tor shes rab la sras bdun 'khrungs/ de bdun nu bo dang bcas pa la 'khon tsho brgyad du grags shing / bdun po'i lnga pa 'khon dge skyabs kyis phyis shab tu byon/ de la sras gnyis byung ba'i chung ba la shab stod kyi 'khon mi rnams gyes par grags/ che ba dge mthong la sras gcig byung ba la 'khon ston bal po zhes bya ba tsha mo rong gi brag la yang phur gyi sgrub pa mdzad pas grub pa brnyes shing bstan ma bcu gnyis bran du 'khol/ de la sras shAkya blo gros/ 'dis bya ru lung pa dang / shab stod smad bzung zhing 'phrin las kyang che bar byung bar grags la/ sku tshe smad la yab mes kyi yul g.ya' lung mkhar stabs bzung / sras gnyis byung ba'i che ba 'khon rog shes rab tshul khrims/ chung ba 'khon dkon mchog rgyal po'o/ /gcen gyis lo ston rdo rje dbang phyug gi mkhan bu zhu ston brtson 'grus drung du gzhon nu nas gau mi'i dge bsnyen mdzad/ tshangs spyod shin tu btsun pas sras med/ yab mes kyi chos la mkhas/ rdo rje phur pa'i grub pa thob/ mthu dang rdzu 'phrul bsam gyis mi khyab par grags so/ /de ltar shes rab tshul khrims yan rnams kyis phar phyin sogs mtshan nyid kyi skor ci rigs pa dang / sngags la gsar ma sde drug snga 'gyur lnga/ phyi 'gyur bcu gsum/ phyi mo nyi shu rtsa gcig la sogs pa'i gsang sngags snga 'gyur la shin tu mkhas shing / yang dag dang phur pa la thugs dam gyi mthil mdzad pas grub pa