[A:96a]gyis kyang shAkya mu ne'i lugs 'di e yin zer/ khyod la skyon 'dzin du mi yong ba e yin/ hor gyis ci yang mi shes snyam du ma sems/ lan gcig gnyis ma shes kyang de nas shes pa yin/ khyod bande rnams spyod pa ngan pa ma byed/ nga mi la ngo tshar ma bcug khyed chos dang mthun par gyis/ gnam mchod cing smon lam thob dang khyed kyi yon bdag ngas byed pa yin/ rgyal po'i 'ja' sa dngos yin/ bsod nams mthu yis rigs gzugs 'byor par ldan/ /dad dang blo gros brtse ba'i thugs mnga' zhing / /drang pos sa skyong bstan pa'i rtsa lag mchog /rgyal ba'i sras po go pe la dang ni/ /bsod nams las grub bud med rin po che/ /mdzes ma'i gzugs 'dzin 'dzum pa'i mdangs ldan zhing / /dpal gyis rab brgyan byams pa'i blo mnga' ba/ /cha bu ga bstun sras dang bcas pa yis/ /dngos su 'byor dang yid kyis sprul pa yi/ /mchod pa sna tshogs rab 'byams dpag med kyis/ /dus gsum gshegs pa'i rgyal ba rgya mtsho la/ /gus pas phul ba'i bsod nams gang yin dang / /dbyig gi tshogs dang bzhon pa dam pa dang / /sna tshogs tshon spras gos kyi rigs rnams dang / /skom pa'i gdung sel re mchog ldan pa'i ja/ /chos kyi don du gus pas phul ba dang / /bstan pa spel phyir dam chos 'dzin pa yi/ /dge 'dun rnams la 'jigs pa med pa yi/ /bka' lung byin pa'i bsod nams rgya chen dang / /de las gzhan pa'i bsod nams gang yod pa/ /mong gor rgyal po mi dbang go pe la/ /sras dang btsun mo nad med tshe ring