[A:99b]ling chu rtser khab kyi gtsug lag khang du bris pa bde legs su gyur cig
ces pa'i zhu yig dang bcas pa'i pho nya mngags te
chos rje grags pa seng ge ba spyan drangs te/ mkhan po chos kyi rje nyid dang / slob dpon jo gdan byang pa bsod nams rgyal mtshan/ gsang ste ba yar lung pa byang chub rgyal mtshan/ dad dge chos rje dbu rgan/ mang ra ba mkhan po spro dang / gnam phar ba tshul rin la sogs pa nyi shu'i dbus su bsnyen par rdzogs nas/ mkhan po la phar phyin tshig gsal sogs dang / slob dpon las so thar mdo rtsa sogs dang / gsang ston las sde bdun la sogs pa mang du gsan te dpyis phyin par mdzad/
nyer gsum la ldong gis gdan drangs nas rtse lngar byon te/ gshin rje gshed brda bzhi/ mahA mA yA/ rdor dbyings/ dus 'khor sogs rgyud 'grel pa cha lag dang bcas pa gsan/ gzhan yang rigs tshogs/ bstod tshogs mngon pa sogs mang du gsan no/ /lo de nyid kyi zla ba bzhi pa'i tshes bcu gsum gyi mtshan mo chos rje gsal bar byon nas/ khyod 'di nas bzung ste lo 'bum phrag gcig dang stong 'das pa'i rjes su phyag rgya chen po mchog gi dngos grub thob ces lung bstan zhing dbugs phyung ba'i rjes su/ srid par sdug bsngal du ma yis/ /yun ring dus su dub pa dag /legs par gsungs pa'i dbugs 'byin pa/ /thugs rje'i dbang phyug mkhyen pa'i gtso/ /chos kyi rje la phyag 'tshal bstod/ /ces bstod pa mdzad ces gsungs shing / thos pa rgya mtsho ma yang de dus mdzad par grags la/ de nas hor la yi ge med pa la