[A:100a]hor yig gsar brtsams/ de'i phud la bande gshed bskyed thags grub ma phul/ de nas rgyal po'i pho brang du byon nas chos 'khor bskor ba'i tshe/ tha shang la gyin zhes bya ba'i rjes su 'brangs nas/ zin shing gi rab byung mang po yod pa lta ba ngan pa la zhen pa dag rang gzhan la gnod par gzigs nas/ rgyal po'i bkas bskul te/ zin shing gi ston pa ring du sbyangs pa rang gi gzhung lugs mthar son pa bcu bdun rigs pas pham par mdzad nas rab tu byung ste/ yang dag pa'i lta ba 'dzin du bcug go /de nas dgung lo nyer brgyad pa'i dus su yar cha rkyen mang du bskur nas dpon chen shAkya bzang pos dbu rtse rnying ma'i nub tu gser thog chen mo bzhengs/ de nas so gcig pa shing mo glang gi lo la dpal ldan sa skyar phebs/ gser thog chen mor rdor dbyings kyi lha tshogs bzhugs pa'i bkra shis sgo mang rin po che du mas brgyan pa dang / rje btsun gong ma rnams kyi phyi rten sku 'bum bdun la gdugs/ chos 'khor gser zangs las grub pa dang / khyad par sku 'bum la gser thog rnams mdzad/ mdo rgyud dang sher phyogs sogs rgyal ba'i bka' gser gyi po ti nyis brgya lhag pa bzhengs/ chos kyi 'khor lo rgya chen bskor nas 'gro ba mang po smin grol gyi lam la bkod/ bdag nyid chen po 'di nyid thos pa mthar phyin nas chos kyi mnga' bdag yin yang / nga rgyal med cing chos la gus pa brtan pa'i phyir/ chos kyi don du bshes gnyen du ma bsten te/ kha che'i paNDi ta chen po shrI ta thA ga ta bha dra/ bla ma rdo rje 'dzin pa glo bo lo tsA ba shes