R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}

  • Pagination (Witness A): 101a
[A:101a]yos la/ rgyal po chen pos gdan 'dren gyi gser yig pa nan che bas gong la phebs/ de'i dus su las tshan bcu gsum gyi grwa sgrig mdzad nas byon pas/ bcom ldan ral gris/ sangs rgyas bstan pa bka' chag sprin gyis sgrib/ /sems can bde skyid mi dpon lag tu shor/ /snyigs dus dge sbyong dpon po'i cha lugs 'dzin/ /'di gsum ma gtogs 'phags pa min par go /zhes zur za'i tshig phul ba la/ chos kyi rgyal po nyid kyis de'i lan du/ bstan la 'phel 'grib yong ba rgyal bas gsungs/ /sems can bde skyid rang rang las la rag /gang la gang 'dul de la de ston byed/ /'di gsum ma gtogs mkhas pa min par go /zhes gsungs par grags so/ /de la las tshan bcu gsum ni/ gdung rabs ya rabs kha rgyan las/ zhar las byung ba phyi nang las tshan ni/ /gsol gzims mchod gsum/ mjal yig mdzod gsum/ thab 'dren gdan gsum skya rta mdzo khyi bzhi/ /chen po la 'os las tshan bcu gsum ste/ /'di rnams chos kyi rgyal po sa skya pa/ /dpal ldan 'phags pa'i ring la dar ba yin/ /zhes gsungs pa ltar/ gsum tshan gsum dang nyis tshan gnyis zhes bya ste/ de la gsum tshan gsum ni/ gsol gzims mchod gsum/ mjal yig mdzod gsum/ thab 'dren gdan gsum/ nyis tshan gnyis ni/ skya rta gnyis/ mdzo khyi gnyis zhes grags so/ /ding sang ni rang rang gi blos btags pa'i bgrang lugs mi 'dra ba rab tu mang yang / 'dir bkod pa ni yi ge khungs thub rnams las