[A:101b]btus pa'o/ /de ltar 'phags pa dgung lo so gsum pa yos lo hor yul la byon pa'i bar lam du/ bka' gdams pa nam mkha' 'bum dgung lo drug cu re gcig pa dang mjal nas/ chos kyi rgyal po nyid dang dri ba dris lan mang du mdzad pas/ chos rje bka' gdams pa nyid mi phyed pa'i dad pa thob par gyur te/ de dus nam mkha' 'bum nyid kyis mdzad pa'i chos kyi rgyal po 'phags pa rin po che'i ngo mtshar ba'i mdzad pa'i cha shas rnams bkod pa'i rnam thar tshan pa gnyis su byas pa zhig 'byung ba'i/ de'i tshan pa dang po las 'di ltar 'byung ste/ oM swasti siddhaM/ na mo gu ru manydzu gho ShA ya/ chos kyi rje/ chos kyi 'byung gnas/ /chos kyi bdag po/ chos kyi blo gros/ chos kyi rgyal mtshan/ chos kyi dpal mgon/ chos kyi bzang khungs/ chos kyi rgyal po 'phags pa la sgo gsum dang bas phyag 'tshal lo/ /skyes mchog 'di'i dbang du bgyis na/ sngon skye ba dpag tu med pa'i gong rol nas tshogs bsags shing chos la sbyangs pa byas pa'i rtags su/ lo bdun la skye ba lnga drug dran pa zhal nas shar te byung ba/ chos rje nyid kyis bkag pas/ de nas gsung du mi snang ba lags skad/ de'i dus na thams cad kyis 'di tha mal du mi 'dug /'phags par 'dug go zhes 'phags par thogs pa lags skad/ gtam de ni bla ma nyid kyi slob ma gcig gi ngag las thos so/ /de nas lo bcu gsum pa la rab tu byung / nyi shu pa la bsnyen par rdzogs/ bco brgyad pa la chos rje 'das nas tshogs bsdus/ sum cu tham pa la dbus gtsang du byon/ lug lo sum cu so gsum