[A:100b]rab rin chen dang / snar thang pa'i mkhan po mchims nam mkha' grags dang / gsang ba gnyan 'od srung mgon po dang / grub thob chen mo che ras par grags pa slob dpon yon tan dpal/ sgyer bu ba tshogs sgom kun dga' dpal/ zhang zhung pa rdo rje 'od zer dang / rin po che skyob pa dpal dang / rang dben dmar pa rnal 'byor dbang phyug rgwa lo dang / chag lo tsA ba'i dpon po nyi ma dpal dang / e pa zhang mngon pa ba rin chen rdo rje dang / brag phug pa dge ba'i bshes gnyen 'bum pa 'od zer dang / mdog glo ba 'dul 'dzin shAkya byang chub dang / rong pa mkhan po seng ge zil gnon dang / chos rje'i slob ma mngon pa ba dbang phyug brtson 'grus dang / rong ri lung phug pa'i gsang sngags pa chos kyi mgon po dang / rdzil bu ba'i dge bshes stag ston shes rab 'od zer dang / dbus sde pa slob dpon sangs rgyas 'bum dang / dge bshes 'bras khud pa dang / lha rje dar ma seng ge la sogs pa mang du bsten nas/ 'ga' zhig la theg pa chung ngu dang / 'ga' zhig la theg pa chen po phar phyin/ 'ga' zhig la gsang sngags sogs mdor na rigs pa'i gnas lnga/ sde snod gsum/ rgyud sde bzhi dang 'brel ba'i bstan bcos/ mdo rgyud dbang byin rlabs/ man ngag cha lag dang bcas pa bod na yod pa phal che ba gsan pa yin no/ /de ltar dam pa'i chos gsan pa'i ched du dka' ba dpag tu med pa mdzad pa ni/ sangs rgyas kyi bstan pa mi nub par gyur cig snyam du dgongs nas gzhan don 'ba' zhig gi phyir mdzad pa yin no/ /de nas dgung lo sum cu rtsa gsum pa me mo