[A:140a]'khrungs pa de nas 'phel ba ni ma byung zhing / chos kyi rgyal po 'phags pa dang yum mi gcig pa'i gcung slob dpon chen po ye shes 'byung gnas kyis ma gcig khab smad mar yang grags shing yang jo mo 'bum mer yang grags pa de nyid khab tu bzhes pa las/ sras bdag nyid chen po bzang po dpal zhes mtshan yongs la grags pa de nyid/ yab dgung lo nyer lnga pa chu pho khyi'i lo la bo dong er 'khrungs zhes stag tshang gdung rabs dang / nyi lde gdung rabs las bshad cing / gtsang byams pa'i gdung rabs las khab smad du 'khrungs par bshad de/ gang ltar bdag nyid chen po 'di 'khrungs nas dgung lo bcu drug lon pa'i dus 'phags pa rin po che hor yul nas yar byon pa dang mjal te dbang lung man ngag la sogs pa chos mang du gsan pa'i skabs shig tu 'phags pa rin po ches bla ma 'di la yun ring po zhig gzigs nas/ da gzod mi res pus mo la babs pa'i dus kyang srid/ yon tan 'bungs la slobs zhes gsungs shing / yang skabs na nga'i rmi lam du phyag na'i ri brgyud yin zer ba gnyis las mi 'dug ye 'byung gi ri brgyud yin zer ba shin tu mang ba 'dug pa cig rmis gsungs/ de nas bdag nyid chen po 'dis dgung lo bcu dgu bzhes pas 'phags pa rin po che zhi bar gshegs/ de'i skabs su phyag na rdo rje gdung brgyud spel pa'i 'os su snga mo nas bzhag pa dang grags che chung gi dbang gis yab sku mched kyi sras sku mched 'di bgres pa yin na'ang phyag na'i sras dharma pA la gdan sa la bzhugs/ 'di rang dgar