[A:140b]bzhugs pa'i ngang nas 'phags pa rin po che'i gshegs rdzong la chos 'khor chen po zhig mdzad/ de grub ma thag dgung lo nyer gcig bzhes pa'i tshe mi chen a bus gdan drangs nas gong la phebs/ 'dir sku gshegs pa'i lugs su byas pas/ zhus stabs 'ga' zhig gi dbang gis/ gong mas kyang re zhig brtag dgos pas sman rtser rgyug gsungs pa dang / sman rtse'i yul phyi'i rgya mtsho'i lag chu 'jam chen po nyi shu rtsa grangs bsgral ba zo chu zer ba'i mkhar mig chen por bzhugs/ yang de nas lung gi 'jal lam bdun bgrod pa na ham chu zer ba'i mkhar mig chen por bzhugs/ de nas 'jal lam bcu bgrod pa na ri bo po ta la yod zer ba der sbas pa'i rnal 'byor gyi tshul gyis bzhugs pas/ rgya mo gcig la sras shig 'khrungs shing / dpon chen kun dga' 'od zer du grags pa nye gnas khams pas zhabs tog gi mthil byas/ de'i dus su yang rgyal po'i lung lci mo byung dogs pas sgrol ma la gsol ba 'debs pa la 'bad pas/ nang gcig nyi ma shar ba na rgya mtsho'i mtha' na padma'i sdong po cig gi steng na rje btsun ma sgrol mas zhal dngos su bstan/ phyag g.yas bla ma'i spyi gtsug tu skyabs sbyin gyi tshul du mdzad de/ bu 'dod pas ni bu thob 'gyur zhing / /nor 'dod pas ni nor rnams nyid thob/ /'dod pa thams cad thob par 'gyur te/ /bgegs rnams med cing so sor 'joms 'gyur/ /zhes gsungs shing lung bstan dbugs dbyung / de'i tshe bdag nyid chen po 'di dgung lo nyer bdun bzhes pa'i dus su dharma pA la sku gshegs nas/ gdan sa